ӨДӨР ТУТМЫН МЭДЭЭ-ний гол тойм – 2026 оны 4 сарын 26

Орос улс Их Британийн дөрвөн газар болон Украин (Урейн)-ы дрон үйлдвэрлэлтэй холбоотой гэж үзэж буй Европын бусад байршлын нэрийг олон нийтэд зарлаж, Украин (Урейн)-д Барууны оролцооны талаар дахин анхааруулга өгч буй энэ үед тэдгээрийг Оросын зэвсэгт хүчний болзошгүй бай гэж үзэж болохыг анхааруулжээ. (Metro)

Их Британийн парламент утаат болон электрон тамхины тухай түүхэн хуулийг баталж, 2009 оны 1-р сарын 1-нээс хойш төрсөн хэнд ч насан туршдаа тамхи худалдан авахыг бүрмөсөн хориглон, “тамхи татдаггүй үе”-ийг бий болгохыг зорьж, мөн тамхи, электрон тамхи, никотин агуулсан бүтээгдэхүүнийг зохицуулах төрийн эрх мэдлийг өргөтгөжээ. (Түөй Трэ)

Индонез улс олон жил хойшилсон хуулийг баталж, гэрийн ажилчдын эрхийг албан ёсоор хүлээн зөвшөөрөн, хууль эрх зүйн хамгаалалт олгож, хүүхдийн гэрийн хөдөлмөрийг хориглон, мөлжлөг, хүчирхийллээр тодорхойлогдсон зохицуулалтгүй салбарт олон арван жилийн дараа мэргэжлийн сургалт, эрүүл мэндийн үндсэн үйлчилгээ, ажилгүйдлийн тэтгэмжийг баталгаажууллаа. (Чаннель НьюсАзия)

Испанийн Каталони дахь хоёр цөмийн цахилгаан станцад зэрэг гарсан бага хэмжээний гал түймрийн улмаас богино хугацаанд доод түвшний онцгой байдлын сэрэмжлүүлэг гаргаж, галыг түргэн дарсан ба цацрагийн нөлөө илрээгүй байна. Энэ нь бүс даяарх цөмийн сэрэмжлүүлгийн холбооны сургуулилтын маргааш нь болжээ. (ЕвроУикли Ньюс)

Тасралтгүй алгоритмаар санал болгодог TikTok, Instagram зэрэг аппууд хэрэглэгчдийг мессеж төвтэй платформуудаас илүү аз жаргалгүй мэдрэмжтэй үлдээх хандлагатайг олон улсын шинэ судалгаа тогтоож, загварчлалын ялгаа нь сэтгэл санаа болон ерөнхий сайн сайхан байдалд хэрхэн нөлөөлдгийг онцоллоо. (ЕвроУикли Ньюс)

Тайваны (Формоса)-гийн эрүүл мэндийн албаныхан өнгөрсөн долоо хоногт энтеровирусийн улмаас эмнэлэгт хэвтсэн тохиолдол 16.5%-иар өссөнийг мэдээлж, 6-р сард оргил үедээ хүрнэ гэж таамаглаж байна. Эрх баригчид асран хамгаалагчдыг савангаар гараа угааж, хүүхдэд хүнд шинж тэмдэг илэрч буй эсэхийг анхааралтай ажиглахыг уриалж байна. Үүний зэрэгцээ, энэ онд мпоксийн тохиолдол хоёр дахин өссөн бөгөөд гаднаас зөөвөрлөгдөн орж ирсэн улаанбурхан өвчний шинэ тохиолдлын улмаас 160 гаруй хавьтагчдын эрүүл мэндийг хянаж байна. (Тайпей Таймс)

Аюултай нян үржихээс сэргийлэхийн тулд хувийн дахин ашигладаг усны савыг өдөр бүр савангаар зайлшгүй угаах шаардлагатай. Судалгаагаар 3 хоног хэрэглэсний дараа өвчин үүсгэгчид маш хурдан үрждэг бөгөөд зүгээр л усаар зайлах нь E. coli зэрэг тогтонги био бүрхүүлийг арилгаж чаддаггүйг харуулжээ. Мэргэжилтнүүд долоо хоног бүр сайтар гүн цэвэрлэгээ хийхийг зөвлөж, менингит эсвэл А бүлгийн стрептококк зэрэг ноцтой халдвар тарахаас сэргийлэн, хувийн дахин ашигладаг усны савыг хоорондоо хэрэглэхгүй байхыг анхааруулсан байна. (ВнЭкспресс)

Нарнаас хамгаалах хувцас нь дахин дахин түрхэх шаардлагагүйгээр биеийг хэт ягаан туяанаас байнга хамгаалах чадвартай тул нарны тосноос илүү найдвартай хамгаалалт болдог. Өндөр чанартай UPF [Хэт ягаан туяаны хамгаалалтын зэрэглэл] бүхий даавуу нь арьсны урт хугацааны гэмтлээс үр дүнтэй сэргийлж, халуунаас үүдэлтэй өвчлөлийн эрсдэлийг бууруулдаг. Эмнэлгийн мэргэжилтнүүд өдрийн нар тусах оргил цагт дээд зэргийн аюулгүй байдлыг хангах нэг удаагийн, илүү үр дүнтэй хөрөнгө оруулалт гэж эдгээр хувцсыг үзэн, уламжлалт химийн бодисын хувилбаруудаас давуу гэж зөвлөж байна. (Лао Дон)

Уур амьсгалын өөрчлөлт Энэтхэгийн Шахи личигийн ургацад заналхийлж байна. Хэт халалт, улирлын бус хур тунадас нь жимсний хөгжлийг алдагдуулж, хэмжээ жижгэрэх, чихэрлэг чанар буурах, Бихар мужийн тариаланчдад ургацын ихээхэн алдагдал учруулж байна. Цаг агаарын өөрчлөгдөж буй хэв маяг өсөлтийн чухал дааварт сөргөөр нөлөөлж байгааг судлаачид тэмдэглэжээ. (Индиа Түдэй)

Хуурай, салхитай нөхцөл байдал АНУ-ын Жоржиа муж даяар ой хээрийн 100 гаруй идэвхтэй түймрийг өдөөж байна. Хамгийн том нь болох Пайнленд Роуд түймэр 6,600 гаруй гектар талбайг хамарч, ердөө 10 хувь нь л хяналтад оржээ. Гантай байдал бүс нутагт хүчтэй нөлөөлж, түймрийн эрсдэлийг улам хүндрүүлж буй тул эрх баригчид өргөн хүрээний хязгаарлалт хэрэгжүүлж байна. (Уотчерс)

Хүчтэй аадар бороо, аянга цахилгаантай шуурганы улмаас [Ау Лак (Вьетнам)-ын] Лао Кай мужийн Фан Ши Пан оргилд 3 сантиметр хүртэлх диаметртэй мөндөр орлоо. Хүчтэй салхи муж даяар дэд бүтэц, айл өрх, сургууль, тариалангийн талбайд хохирол учрууллаа. Эрх баригчид хохирлын хэмжээг үнэлж, дэмжлэг үзүүлэх ажлыг дайчилж байна. (Түөй Трэ)

[АНУ-ын] Вермонт мужийн Линдон хотын өсвөр насны хүүхэд 8 долоо хоногтой гөлгийг шидэж буй нь бичлэгээр ил болсны дараа түүнийг амьтан-хүнд харгис хандсан хэргээр буруутгажээ. Гөлөг одоо амьд үлдэж, малын эмчид үзүүлж байна. (WCAX)

[Италийн] Сарзана хотод 32 настай цагаач эрийг олон нийтийн цэцэрлэгт хүрээлэнд үхсэн муурын цогцсыг чанахыг завдсан гэж гэрчүүд мэдээлсний дараа Италийн эрх баригчид саатуулжээ. Тэрээр өөр хоол байгаагүй гэж мэдэгджээ. Уг хэрэг явдал амьтан-хүний халамж, олон нийтийн аюулгүй байдал, эмзэг шинээр ирэгсдэд үзүүлэх дэмжлэгийн тогтолцооны талаар үндэсний хэмжээний маргаан өрнүүлжээ. (Haberler)

Арктикт усан тээвэр нэмэгдэхийн хэрээр газрын тосны асгаралтыг илүү хурдан тогтоон барих аргыг эрдэмтэд яаравчлан хайж, тос идэгч бичил биетэн, химийн задлагч бодис, хяналттай шатаах аргыг туршиж байгаа ч өтгөн, удаан хөдөлгөөнт түлш болон далайн мөс нь шуурхай хариу арга хэмжээг туйлын хүндрүүлдэг тул ихэнх цэвэрлэгээний арга хэрэгсэл мөстэй усанд одоо ч үр дүн муутай хэвээр байна. (Гардиан)

Шүрэн хад нь бичил биетний асар өргөн, ихэнхдээ үл мэдэгдэх ертөнцийн нутаг болохыг эрдэмтэд тогтоожээ. Дэлхийн хэмжээний судалгаагаар шүр бүр өөрийн өвөрмөц бичил биетний нэгдлийг агуулдаг ба тэдгээрт шинээр илрүүлсэн олон мянган организм багтаж, анагаах ухаан, биотехнологид асар их боломжтой химийн нэгдлүүд ялгаруулдаг “молекулын номын сан” болох нь тогтоогдсон ч хаднууд доройтохын хэрээр энэ бүхэн эрсдэлд орж байна. (СкайТех Дэйли)

[АНУ-ын Нью-Йорк хотын Бруклин дүүргийн] RAS Plant Based нь ногоон шошоор хийсэн өндөг, Этиоп амтлагчтай веган гахайн мах ашиглан гахайн утсан мах, өндөг, бяслагтай өглөөний сэндвичийг шинэчлэн гаргаж байна. Амьтны гаралгүй энэ дурсамж төрүүлэм бүтээл одоо тус рестораны өдөр тутмын алдартай гол нэрийн бага үдийн цай болжээ. (Форбес)

Хойд Америкийн хэрэглэгчдэд “дээд зэрэглэлийн веган амттан, харгислалгүй гоо сайхны бүтээгдэхүүн”-ийн сонгомол захиалгат хайрцаг нийлүүлдэг Vegancuts компани 15 жилийн ойгоо тохиолдуулан томоохон сугалаа зарлаж, азтан үйлчлүүлэгчдээ Rivian R2 [цахилгаан спорт олон талт автомашин] эсвэл 100,000 ам.доллароор шагнахаар болжээ. Шинэ удирдлагын дор уг захиалгын аварга компани дэлхийн тогтвортой байдлыг бэхжүүлэхийн тулд байгальд ээлтэй амьдралын хэв маягийн бүтээгдэхүүнүүд рүү хүрээгээ тэлж байна. (Вежкономист)

Словенийн тэжээлийн нэмэлт бүтээгдэхүүний TOSLA компани Geltor-ийн PrimaColl [коллагены полипептид]-ийг ашигласан веган дохио өгөгч коллагентай, шууд уух шот төрлийн шинэ бүтээгдэхүүнээ танилцууллаа. Клиникийн туршилтаар баталгаажсан веган нэмэлтийг 12 долоо хоногийн турш өдөр бүр хэрэглэсний дараа оролцогчдын 92 хүртэлх хувьд арьс нь чангарч, уян хатан байдал сайжирсныг харуулсан байна. (Cosmetics & Toiletries)

Бразилын UFC [Холимог тулааны аварга шалгаруулах тэмцээн]-ийн тамирчин Мишел Перейра Риу-Гранди-ду-Сул мужид болсон түүхэн хэмжээний үерийн үеэр усны мотоцикл, завь ашиглан гацсан амьтан-хүмүүсийг аварч байна. Сүйрэл дагуулсан аадар борооны улмаас олон мянган оршин суугч, тэжээвэр амьтан-хүмүүс дүрвэхэд хүрсэн энэ үед түүний баатарлаг ажиллагаа нэн чухал дэмжлэг үзүүлж байна. (Анимал Рескью Сайт)

[АНУ-ын] Нью-Йорк хотын Book Fairies нэртэй ашгийн бус байгууллага Нью-Йорк хот dklky Лонг-Айлендын үйлчилгээ хангалтгүй авдаг гэр бүл, сургуулиудад 25,000 үнэгүй ном тараажээ. Энэхүү томоохон хандив нь багш, сурагчдад зайлшгүй хэрэгцээтэй сургалтын материалыг олгож, эрт үеийн бичиг үсгийн чадварыг дэмжин, сургалтын ур чадварыг бэхжүүлж, хүүхдүүдийн ирээдүйг өөрчлөхөд тусалж байна. (Гүүд Ньюс Нетворк)

Испанийн Хавеа хотод 700 гаруй эмэгтэй 4.8 километрийн буяны гүйлтэд оролцжээ. Жил тутам болдог энэ хандивын арга хэмжээ нь AFIDO Xàbia [фибромиалги болон архаг өвчинтэй хүмүүст тусалдаг] болон ASPANION [хорт хавдартай хүүхдүүдийн гэр бүлд дэмжлэг үзүүлдэг] байгууллагуудад 3,550 евро цуглуулж, эрүүл мэндийн чухал үйлсийн төлөөх хамтын нэгдэл, дэмжлэгийг харууллаа. (ЕвроУикли Ньюс)

Өдрийн мэргэн эшлэл: “Магтаал, буруутгалын алинд ч үл автагдагчийн зүрх сэтгэл агуу амгалан байдаг.” – Германы Августины Канон лам, Хүндэт Томас а Кемпис (BrainyQuote)

Өмнөх 2-ын 1-р хэсэгт Кара Ван Дер Бауведе хөл бөмбөг чамархайд нь оносны улмаас зүрх нь долоон минут зогсож, сүнс нь биеэсээ дээш гарснаар хайртай хүмүүсээ, моддыг, тэр ч байтугай амьд Гэрлээр гэрэлтэх Дэлхийг бүхэлд нь харсан тухайгаа ярьсан. Урьд нь тэсвэрлэхийн аргагүй мэт санагддаг байсан зүйл түүнд одоо цэвэр гоо үзэсгэлэн, хайр мэт харагджээ.

Гэвч тэр тайван байдал нь биедээ буцаж ирэх мөчид төгссөн байна. Түргэний машинд люминесцент гэрэл, хүйтэн, жихүүн байдал гээд бүх зүйл таагүй санагдаж байв. Тэр цөхрөнгөө баран, буцаад очихыг барж хүсжээ. Дараа нь эмнэлгийн өрөөнд, найман настай дүү нь хажууд нь байх үед, тэр түүнийг бүрмөсөн эргүүлэн татсан нэгэн үгийг сонсжээ. Миний дараагийн санаж буй зүйл гэвэл, би буцаж ирсэн, тэгээд эмнэлэгт байсан. Тэгээд би дахиад нэг зүйлийг мэдэрсэн. Энэ удаа эмнэлгийн өрөөнд дүү минь миний хажууд байсан. Тэр найман настай байсан байх, тэр бөхийчихсөн байлаа. Тэгээд би түүнийг “Эгч ээ, эгч ээ, гуйя, буцаад ирээч” гэж хэлэхийг сонссон. Тэр үүнийг чангаар хэлсэн үү, эсвэл би бодлыг нь сонсож чадсан уу гэдгийг одоо тархиараа тайлбарлаж чадахгүй нь. Гэхдээ тэр мөчид би биедээ буцаж ирсэн ба түүнээс хойш ахиж гараагүй.

Дараа нь Карад тархины гэмтэл гэсэн онош тавьж, дахин хэзээ ч спортоор хичээллэж болохгүй гэж хэлжээ. Осол болох үед би биедээ буцаж ирээд, хамгийн түрүүнд: “Би үүнийг яаж хийчхэв ээ?” гэж бодсон. Яагаад гэвэл би үхэхийг хүсэж байсан, тэгээд би үхсэн. Ердөө л агшин зуурын холбоо байсан. Тэгээд би оюун ухаан, тархинд хэт татагдах болсон. Өөрийн залбирал болон ослын хооронд Карагийн мэдэрсэн холбоо нь түүний эдгэрэлтийн хөдөлгөгч хүч, амьдралынх нь үйл хэрэг болсон юм. Тэр мэдрэл судлал, сэтгэл судлал, анатоми судалж, эцэст нь иогтой учирсан бөгөөд энэ нь түүнийг биеэсээ гарах үедээ мэдэрсэн тэрхүү жаргалын мэдрэмжтэй дахин холбож өгчээ.

Одоо би хот дундуур өдөр бүр алхаж яваа хүмүүсийг хардаг. Би энэ явдлыг төдийлөн хуваалцаж байгаагүй. Гэхдээ одоо үүнийг хуваалцахыг үнэхээр хүсэж буй нэг шалтгаан бол би цонхоороо хашхирмаар санагддаг оршдог. Учир нь би хүмүүсийн эргэн тойрон дахь Гэрлийг, тэдний дээр буй тэр энергийг одоо ч хардаг. Зөвхөн нэг хүнийг биш, эсвэл зөвхөн сайн хүнийг ч биш, харин хүн нэг бүрийг. Тэгээд би тэдэнд “Та өөрийгөө ямар гайхамшигтай гэдгээ огт мэдэхгүй!” гэж хашхирмаар санагддаг. Бид өөрсдөө хэчнээн гэрэлтэй, амьд эрчтэйгээ харж чаддаггүй нь үнэхээр харамсалтай. Тэгэхээр одоо би охидтой болсон болохоор тэдэнд үргэлж нэг зүйлийг ойлгуулахыг хүсдэг: бидний эргэн тойронд болж буй бүхнийг, биднийг үргэлж хүрээлж байдаг тэр цэвэр хайрыг бид харж чаддаггүйг.

Үүний өөр нэг тал нь, би ийм удаан хугацаанд энэ тухай хуваалцаагүйн нэг шалтгаан нь, тийм ээ, үхэл бол цэвэр хайр мөн, гэхдээ нөгөө талд амьдрал ч бас, энд байгаа бид үнэхээр энд байх азтай, юу ч зүгээр нэг тохиолдлоор болдоггүй гэдэг нь маш тодорхой байсан. Та яг байгаагаараа л тийм бөгөөд яг байгаа тэр газар тань ч төгс юм. Энэ яг энд, яг одоо ямар сайн сайхан болохыг илүү гүн мэдэрч ухамсарлах тусам сайн. Учир нь бүх зүйл өөрчлөгдөнө, бусад бүхнийг тавьж явуулах хэрэгтэй, амьдрал үнэхээр үзэсгэлэнтэй.

Одоо франц нөхөр, хоёр охиныхоо хамт Парисын ойролцоо амьдарч буй Кара олон жилийн турш мэдэрсэн зүйлээ нам гүмхэн тээн иржээ. Тэрээр ном бичиж, 15 гаруй жил иог зааж буй бөгөөд харсан зүйлсийнхээ талаар олон нийтийн өмнө саяхнаас л ярьж эхэлсэн байна. Тэр номдоо тэр өдөр олж мэдсэн долоон үнэнийг бичихээр төлөвлөж байна.

Тэгэхээр миний анзаарсан хамгийн эхний зүйл нь Дэлхий бол диваажин. Хоёр дахь нь, айх зүйл огт байхгүй. Харанхуйд Гэрэл, бүрэн дүүрэн Гэрэл байсан. Өөрөөр хэлбэл, үхэлд айдас өчүүхэн ч байгаагүй. Гурав дахь хамгийн том зүйл нь Гэрлийн тухай хэсэг, өөрөөр хэлбэл бид өөрсдөө Гэрэл гэж би итгэдэг. Түүнээс хойш миний амьдралын эрхэм зорилго үнэхээр бусдад иог, бясалгал, зүгээр л хуваалцах замаар тэр Гэрэлтэй холбоо тогтооход нь туслах болсон.

Мөн нөгөө ертөнцөд, нас барсан бидний хайртай хүмүүс, эцэг эх, өвөө эмээ, өвөг дээдэс маань миний чихэнд үргэлж: “Хуваалц, хуваалц, хуваалц. Хүмүүс өөрсдийгөө ямар азтай гэдгээ мэдэх хэрэгтэй.” гэж шивнэж байгаа мэт санагддаг. Бид энд байхдаа л амьдралын гоо үзэсгэлэнг нээж харах боломж олдвол шүү дээ. Би бодохдоо, бид бүгд биеэ орхих үедээ үүнтэй төстэй зүйлийг мэдрэх болно. Шууд л цэвэр хайр руу орж, бүх зүйл яг одоо ямар үзэсгэлэнтэй байгааг харах болно. Гэхдээ миний асуулт бол, хэрэв бид үүнийг амьд байхдаа мэдэрч болохгүй гэж?

Сонсож буй хүн бүрд хандан хэлэхэд, та үнэхээр хүчирхэг. Та үнэхээр гайхамшигтай. Та үнэхээр гэрэл цацруулдаг. Та өөрийн боддогоосоо хавьгүй илүү. Бидний хүн нэг бүрд хайр, Гэрэл, гоо үзэсгэлэнгийн энэ сайхан бэлэг бий, харин бид хомс зүйлдээ үнэхээр гацаж, мэдээ үзээд дэлхий ямар аймшигтай вэ гэдэгт гацчихдаг. Тийм ээ, сайжруулах зүйл олон бий. Гэхдээ би бодохдоо, бид биеэ орхимогцоо амьдралын жижигхэн хэсэг бүр хэчнээн гайхамшигтай байсныг харах болно. Тиймээс найдвар нь гэвэл, та яг байгаагаараа төгс, өөрийн Гэрлийг түгээсээр байгаарай, Дэлхий дээрх цагаа баяртай өнгөрүүлээрэй. Учир нь бид энд байгаа нь үнэхээр их азтай хэрэг. Энэ бол диваажин. Юмс тохиолддог. Бүх зүйл учир шалтгаантай тохиолддог гэж би итгэдэг. Бүгд хайр юм. (Үхлийн хоёр талын аялал)