ਮਾਰਾ ਦਾ ਰਾਜਾ ਭੌਤਿਕ ਸੰਸਾਰ ਦੇ 10 ਨਿਯਮ ਸਾਂਝੇ ਕਰਦਾ ਹੈ, ਪੰਜ ਹਿਸਿਆਂ ਦਾ ਪਹਿਲਾ ਭਾਗ

ਹਾਲੋ, ਮੇਰੇ ਸੁੰਦਰ ਪ੍ਰਮਾਤਮਾ ਦੇ ਪੈਰੋਕਾਰ। ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ. ਮੈਂ ਹਰ ਸਮੇਂ ਤੁਹਾਡੇ ਬਾਰੇ ਸੋਚਦੀ ਹਾਂ, ਅਤੇ ਮੈਂ ਤੁਹਾਨੂੰ ਸੁਰੱਖਿਅਤ ਰੱਖਣ ਅਤੇ ਇਸ ਦੁਨੀਆਂ ਨੂੰ ਸੁਰੱਖਿਅਤ ਰੱਖਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੀ ਹਾਂ। ਅੱਜ ਸਵੇਰੇ, ਪੰਛੀ-ਲੋਕ ਆਏ, ਅਤੇ ਉਹ ਖਾਸ ਤੌਰ 'ਤੇ ਉੱਚੀ ਆਵਾਜ਼ ਵਿੱਚ, ਬਹੁਤ ਉੱਚੀ, ਬਹੁਤ ਖੁਸ਼ ਸਨ - ਚੰਗੀ ਖ਼ਬਰ ਅਤੇ ਉਹ ਚੀਜ਼ਾਂ ਜੋ ਮੈਂ ਸੁਣਨਾ ਚਾਹੁੰਦੀ ਹਾਂ, ਅਤੇ ਮੈਂ ਤੁਹਾਡੇ ਨਾਲ ਸਾਂਝੀਆਂ ਕਰਨਾ ਚਾਹੁੰਦੀ ਹਾਂ। ਪਰ ਗੱਲ ਇਹ ਹੈ ਕਿ ਮੈਂ ਸੂਰਜ ਨੂੰ ਤੁਹਾਨੂੰ ਦੱਸਣ ਦਿੰਦੀ ਹਾਂ, ਅਤੇ ਪੰਛੀ-ਲੋਕਾਂ ਨੂੰ ਤੁਹਾਨੂੰ ਦੱਸਣ ਦਿੰਦੀ ਹਾਂ, ਅਤੇ ਮੈਂ ਹੋਰ ਕਿਸੇ ਨੂੰ ਵੀ ਤੁਹਾਨੂੰ ਦੱਸਣ ਦਿੰਦੀ ਹਾਂ, ਕਿਉਂਕਿ ਚੀਜ਼ਾਂ ਦੱਸਦੇ ਰਹਿਣ ਦਾ ਕੀ ਫਾਇਦਾ ਹੈ ਅਤੇ ਫਿਰ ਉਹ ਬਦਲਦੀਆਂ ਰਹਿੰਦੀਆਂ ਹਨ ਕਿਉਂਕਿ ਮਨੁੱਖਾਂ ਦੇ ਕਰਮ ਹਰ ਸਮੇਂ ਬਦਲਦੇ ਰਹਿੰਦੇ ਹਨ। ਤਾਂ, ਤੁਸੀਂ ਦੇਖ ਸਕਦੇ ਹੋ ਕਿ ਅੱਜ ਸਾਡੇ ਕੋਲ ਸ਼ਾਂਤੀ ਹੈ, ਕੱਲ੍ਹ ਸ਼ਾਇਦ ਨਾ ਵੀ ਹੋਵੇ, ਕਿਉਂਕਿ ਇਨਸਾਨ ਬਹੁਤਾ ਨਹੀਂ ਬਦਲਦੇ। ਕੋਈ ਗੱਲ ਨਹੀਂ। ਮੈਂ ਜ਼ਿਆਦਾਤਰ ਤੁਹਾਡੇ ਲਈ ਗੱਲ ਕਰ ਰਹੀ ਹਾਂ। ਤੁਸੀਂ ਹੀ ਉਹ ਲੋਕ ਹੋ ਜਿਨ੍ਹਾਂ 'ਤੇ ਮੈਂ ਭਰੋਸਾ ਕਰ ਸਕਦੀ ਹਾਂ ਕਿ ਤੁਸੀਂ ਇਸ ਸੰਸਾਰ ਵਿੱਚ ਕੁਝ ਹੱਦ ਤੱਕ ਅਧਿਆਤਮਿਕ ਸੰਤੁਲਨ ਬਣਾਈ ਰੱਖਣ ਵਿੱਚ ਮੇਰੀ ਮਦਦ ਕਰੋਗੇ ਤਾਂ ਜੋ ਸਾਰੀਆਂ ਬੁਰੀਆਂ ਚੀਜ਼ਾਂ, ਆਫ਼ਤਾਂ, ਯੁੱਧ, ਹੋਰ ਵਿਗੜ ਨਾ ਜਾਣ। ਭਾਵੇਂ ਉਹ ਵਿਗੜ ਵੀ ਜਾਣ, ਉਹ ਅਜੇ ਵੀ ਓਨੇ ਮਾੜੇ ਨਹੀਂ ਹਨ ਜਿਵੇਂ ਜੇਕਰ ਇਹ ਅਧਿਆਤਮਿਕ ਅਭਿਆਸੀਆਂ ਦੀ ਊਰਜਾ ਨੂੰ ਪਤਲਾ ਨਾ ਕੀਤੇ ਬਿਨਾਂ ਹੁੰਦੇ। ਜੇ ਪੂਰੀ ਤਰ੍ਹਾਂ ਪਤਲਾ ਨਹੀਂ ਕੀਤਾ ਗਿਆ, ਤਾਂ ਇਸਦਾ ਕੁਝ ਹਿੱਸਾ।

ਠੀਕ ਹੈ, ਫਿਰ ਵੀ, ਮੈਂ ਤੁਹਾਨੂੰ ਕੁਝ ਕਹਿਣਾ ਚਾਹੁੰਦੀ ਹਾਂ। ਜਿਵੇਂ ਕਿ ਉਦਾਹਰਣ ਵਜੋਂ, ਹੁਣ ਤੱਕ, ਯਾਦ ਹੈ ਮੈਂ ਤੁਹਾਨੂੰ ਦੱਸਿਆ ਸੀ ਕਿ ਸਾਡੇ ਸਮੂਹ ਵਿੱਚ 60% ਚੰਗੇ ਦੀਖਿਅਕ ਹਨ ਅਤੇ 40% ਚੰਗੇ ਨਹੀਂ ਹਨ। ਅਤੇ ਕੁਝ ਅਜੇ ਵੀ ਸੂਖਮ ਪੱਧਰ ਜਾਂ ਨਰਕ ਪੱਧਰ 'ਤੇ ਹਨ ਜਾਂ ਕੁਝ ਜੋਸ਼ੀਲੇ ਭੂਤ ਮਿਆਰ 'ਤੇ ਵੀ ਹਨ। ਦਰਅਸਲ, ਉਹ ਅਸਲੀ ਦੀਖਿਅਕ ਨਹੀਂ ਹਨ, ਉਨ੍ਹਾਂ ਨੂੰ ਨਰਕ ਤੋਂ ਰਿਹਾ ਕੀਤਾ ਜਾਂਦਾ ਹੈ ਅਤੇ ਸਤਿਗੁਰੂ ਲਈ ਦੁੱਖ ਪਹੁੰਚਾਉਣ, ਮੇਰੇ ਪੈਰੋਕਾਰਾਂ ਨੂੰ ਉਲਝਾਉਣ ਅਤੇ ਕੁਰਾਹੇ ਪਾਉਣ ਦੀ ਕੋਸ਼ਿਸ਼ ਕਰਨ ਲਈ ਭੇਜਿਆ ਜਾਂਦਾ ਹੈ! ਪਰ ਕਰਮਾਂ-ਨਾਲ-ਭਰੀ ਦੁਨੀਆਂ ਇਸਨੂੰ ਪ੍ਰਗਟ ਹੋਣ ਦਿੰਦੀ ਹੈ! ਉਨ੍ਹਾਂ ਦੇ ਭੈੜੇ ਕੰਮ, ਲੁੱਟ-ਖੋਹ ਦੇ ਕੰਮ ਦੇਖੋ, ਫਿਰ ਤੁਹਾਨੂੰ ਪਤਾ ਲੱਗੇਗਾ ਕਿ ਉਹ ਕੀ ਹਨ, ਅੰਦਰੋਂ ਅਤੇ ਬਾਹਰੋਂ! ਤੁਸੀਂ ਉਨ੍ਹਾਂ ਵਿੱਚੋਂ ਕਈਆਂ ਨੂੰ ਪਹਿਲਾਂ ਹੀ ਦੇਖਿਆ ਹੈ, ਹਾਲ ਹੀ ਦੇ ਸਾਲਾਂ ਵਿੱਚ ਬੇਨਕਾਬ ਕੀਤੇ ਗਏ, ਪ੍ਰਸਿੱਧੀ ਅਤੇ ਮੁਨਾਫ਼ਾ ਕਮਾਉਣ ਲਈ ਮੇਰੇ ਨਾਮ, ਮੇਰੀ ਸਿੱਖਿਆ ਦੀ ਵਰਤੋਂ ਕਰਦੇ ਹੋਏ!

ਪਰ ਉਹ ਗਿਣਤੀ ਬਦਲ ਗਈ ਹੈ। ਉਦਾਹਰਣ ਵਜੋਂ, ਹੁਣ ਸਾਡੇ ਕੋਲ 74% ਦੀਖਿਅਕ ਹਨ ਜੋ ਅਧਿਆਤਮਿਕ ਦਰਜੇ ਦੇ ਚੰਗੇ ਪੱਧਰ ਤੱਕ ਅੱਪਗ੍ਰੇਡ ਹੋਏ ਹਨ। ਇਹ ਪ੍ਰਤੀਸ਼ਤਤਾ ਅਤੇ ਚੀਜ਼ਾਂ ਸਿਰਫ਼ ਸਵਰਗ ਦੁਆਰਾ ਹੀ ਰਿਪੋਰਟ ਕੀਤੀਆਂ ਜਾਂ ਦੇਖੀਆਂ ਨਹੀਂ ਜਾਂਦੀਆਂ, ਸਗੋਂ ਮਾਰਾ ਦੇ ਰਾਜਾ ਦੁਆਰਾ ਵੀ ਦੱਸੀਆਂ ਜਾਂਦੀਆਂ ਹਨ। ਕੱਲ੍ਹ ਸਵੇਰੇ, ਮੈਂ ਮਾਰਾ ਦੇ ਰਾਜੇ ਨਾਲ ਗੱਲ ਕਰ ਰਹੀ ਸੀ ਕਿ ਇਸ ਦੁਨੀਆਂ ਵਿੱਚ ਸਭ ਕੁਝ ਕਿਵੇਂ ਚੱਲ ਰਿਹਾ ਹੈ। ਆਖ਼ਰਕਾਰ, ਉਸ ਕੋਲ ਕਹਿਣ ਲਈ ਕੁਝ ਹੈ ਕਿਉਂਕਿ ਉਹ ਇਸ ਦੁਨੀਆਂ ਦੇ ਜੱਜ ਵਾਂਗ ਹੈ, ਇਸ ਦੁਨੀਆਂ ਦੇ ਜਿਵੇਂ ਅਦਾਲਤ-ਜੱਜ-ਮੁਖੀ ਵਾਂਗ। ਅਤੇ ਉਹ ਕਦੇ ਵੀ ਇੱਧਰ-ਉੱਧਰ ਨਹੀਂ ਘੁੰਮਦਾ, ਜਿਵੇਂ ਕਦੇ ਖੱਬੇ, ਕਦੇ ਸੱਜੇ। ਨਹੀਂ, ਉਹ ਹਮੇਸ਼ਾ ਸਹੀ ਹੁੰਦਾ ਹੈ। ਉਸਦਾ ਨਿਰਣਾ ਕਦੇ ਵੀ ਪੱਖਪਾਤੀ ਨਹੀਂ ਹੁੰਦਾ, ਭਾਵੇਂ ਤੁਸੀਂ ਕੋਈ ਵੀ ਹੋ। ਜੇ ਤੁਸੀਂ ਗਲਤ ਕਰਦੇ ਹੋ, ਤਾਂ ਉਹ ਇਸਨੂੰ ਰਿਕਾਰਡ ਕਰੇਗਾ ਅਤੇ ਤੁਹਾਡਾ ਨਿਰਣਾ ਕਰੇਗਾ ਜਾਂ ਉਸ ਅਨੁਸਾਰ ਨਿਰਣੇ ਨੂੰ ਮਾਪੇਗਾ। ਮੈਨੂੰ ਇਹ ਸਿਸਟਮ ਪਸੰਦ ਨਹੀਂ ਹੈ, ਬੇਸ਼ੱਕ, ਪਰ ਤੁਸੀਂ ਜਾਣਦੇ ਹੋ, ਮਨੁੱਖਾਂ ਨੇ ਇੱਥੇ ਸਿੱਖਣ, ਮੌਜ-ਮਸਤੀ ਕਰਨ, ਸੁਧਾਰ ਕਰਨ, ਆਪਣੇ ਆਪ ਨੂੰ ਪਰਖਣ ਲਈ ਆਉਣਾ ਚੁਣਿਆ ਹੈ। ਤਾਂ ਇਹ ਇਸ ਤਰ੍ਹਾਂ ਹੈ। ਅਤੇ ਬਹੁਗਿਣਤੀ ਅਸਫਲ ਹੋ ਜਾਂਦੇ ਹਨ। ਇਸੇ ਕਰਕੇ ਸਾਡੇ ਕੋਲ ਇਸ ਸਮੇਂ ਇੱਕ ਅਣਚਾਹੀ, ਮੁਸ਼ਕਲ-ਭਰੀ ਦੁਨੀਆਂ ਹੈ। ਠੀਕ ਹੈ, ਤੁਸੀਂ ਦੇਖਿਆ, ਤਾਂ ਹੁਣ ਸਾਡੇ ਕੋਲ ਚੰਗੇ ਦਰਜੇ ਦੇ ਪੈਰੋਕਾਰ ਜ਼ਿਆਦਾ ਹਨ।

ਉਦਾਹਰਣ ਵਜੋਂ, ਮੈਂ ਤੁਹਾਨੂੰ ਸਾਡੇ ਬਾਰੇ ਕੁਝ ਗੱਲਾਂ ਦੱਸ ਰਹੀ ਹਾਂ, ਜਿਨ੍ਹਾਂ ਵਿੱਚ ਕਿਵੇਂ ਵੀ, ਬਦਕਿਸਮਤੀ ਨਾਲ ਦੂਜਿਆਂ ਨੂੰ ਕੋਈ ਦਿਲਚਸਪੀ ਨਹੀਂ ਹੈ, ਇਸ ਲਈ ਤੁਸੀਂ ਸੁਣੋ। ਮੈਂ ਚਾਹੁੰਦੀ ਹਾਂ ਕਿ ਅਸੀਂ ਇੱਕ ਇਕੱਠ ਅਤੇ ਰੀਟਰੀਟ ਕਰ ਸਕੀਏ, ਅਤੇ ਮੈਂ ਤੁਹਾਨੂੰ ਇਕਲਿਆਂ ਨੂੰ ਸਿਰਫ਼ ਇਹ ਦੱਸ ਸਕਦੀ ਹਾਂ, ਪਰ ਹਾਲਾਤ ਹੁਣ ਇਸ ਦਿਸ਼ਾ ਵਿੱਚ ਅਨੁਕੂਲ ਨਹੀਂ ਹਨ, ਇਸ ਲਈ ਮੈਨੂੰ ਸਾਡੇ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਰਾਹੀਂ ਤੁਹਾਡੇ ਨਾਲ ਖੁੱਲ੍ਹ ਕੇ ਗੱਲ ਕਰਨੀ ਪਵੇਗੀ। ਤਾਂ ਹੁਣ, ਮੈਂ ਤੁਹਾਨੂੰ ਦੱਸ ਰਹੀ ਹਾਂ ਕਿ ਸਾਡੇ ਕੋਲ ਇੱਕ... ਓਹ, ਮੈਂ ਇੱਥੇ ਆਪਣਾ ਨੋਟ ਵੀ ਨਹੀਂ ਪੜ੍ਹ ਸਕਦੀ। ਮੈਂ ਹਨੇਰੇ ਵਿੱਚ ਇਸਨੂੰ ਜਲਦੀ ਨੋਟ ਕਰ ਲਿਆ।

ਪਚਵੰਜਾ ਪ੍ਰਤੀਸ਼ਤ ਸੰਤ ਪੱਧਰ 'ਤੇ ਹਨ, ਭਾਵ ਚੌਥਾ ਪੱਧਰ, ਅਤੇ... 19% ਪੰਜਵੇਂ ਪੱਧਰ 'ਤੇ ਹਨ, ਇਸ ਲਈ ਤੁਸੀਂ ਕਾਫ਼ੀ ਵਧੀਆ ਕਰ ਰਹੇ ਹੋ। ਮੈਨੂੰ ਤੁਹਾਡੇ 'ਤੇ ਮਾਣ ਹੈ। ਬੇਸ਼ੱਕ, ਅਸੀਂ ਉੱਚੇ ਹੋ ਸਕਦੇ ਹਾਂ, ਜਿੰਨਾ ਉੱਚਾ ਓਨਾ ਹੀ ਬਿਹਤਰ, ਪਰ ਕੋਈ ਗੱਲ ਨਹੀਂ। ਤੁਸੀਂ ਪਹਿਲਾਂ ਹੀ ਹਮੇਸ਼ਾ ਲਈ ਆਜ਼ਾਦ ਹੋ। ਜਿਹੜੇ ਤਿੰਨਾਂ ਸੰਸਾਰਾਂ ਤੋਂ ਉੱਪਰ ਉੱਠਦੇ ਹਨ ਉਹ ਹਮੇਸ਼ਾ ਲਈ ਆਜ਼ਾਦ ਹਨ, ਭਾਵੇਂ ਤੀਜੇ ਪੱਧਰ ਤੋਂ ਥੋੜ੍ਹਾ ਜਿਹਾ ਉੱਪਰ ਵੀ, ਅਤੇ ਅਸੀਂ ਠੀਕ ਹਾਂ। ਅਤੇ ਹੋਰ ਸਕੂਲਾਂ ਵਿੱਚ, ਕੁੱਲ ਮਿਲਾ ਕੇ, 65% ਸੰਤ ਦੀ ਉਪਾਧੀ ਪ੍ਰਾਪਤ ਕਰ ਚੁੱਕੇ ਹਨ। ਸਾਰੇ ਸਕੂਲਾਂ ਨੇ ਮਿਲ ਕੇ 65% ਸੰਤ ਦੀ ਪਦਵੀ ਪ੍ਰਾਪਤ ਕੀਤੀ। ਹੁਣ, ਮੈਂ ਇਸ ਬਾਰੇ ਬਿਲਕੁਲ ਖੁਸ਼ ਨਹੀਂ ਹਾਂ ਕਿਉਂਕਿ ਅਸੀਂ ਸਾਰੇ ਚੌਥੇ ਪੱਧਰ ਤੱਕ ਨਹੀਂ ਪਹੁੰਚੇ ਹਾਂ, ਘੱਟੋ ਘੱਟ ਅਜੇ ਨਹੀਂ, ਪਰ ਇਹ ਪਹਿਲਾਂ ਹੀ ਕੁਝ ਨਾ-ਹੋਣ ਨਾਲੋਂ ਬਿਹਤਰ ਹੈ।

ਹੁਣ, ਦੁਨੀਆ ਵਿੱਚ ਸੰਤਾਂ ਦੀ ਕੁੱਲ ਗਿਣਤੀ, ਭਾਵ ਤੀਜੇ ਪੱਧਰ ਤੋਂ ਉੱਪਰ, ਤਿੰਨ ਸੰਸਾਰਾਂ ਤੋਂ ਉੱਪਰ, ਤਿੰਨ ਸੰਸਾਰਾਂ ਤੋਂ ਉੱਪਰ ਸੰਤਾਂ ਦੀ ਕੁੱਲ ਗਿਣਤੀ, ਜਿਸ ਵਿੱਚ ਅਸੀਂ ਵੀ ਸ਼ਾਮਲ ਹਾਂ, ਦੁਨੀਆ ਦੀ ਆਬਾਦੀ ਦਾ 16% ਹੈ। ਦੁਨੀਆ ਦੀ ਸੋਲ੍ਹਾਂ ਪ੍ਰਤੀਸ਼ਤ ਆਬਾਦੀ ਤੀਜੇ ਪੱਧਰ ਤੋਂ ਉੱਪਰ ਸੰਤ ਬਣ ਗਈ ਹੈ, ਪੂਰੀ ਮੁਕਤੀ, ਹਮੇਸ਼ਾ ਲਈ, ਜੋ ਕਿ ਇੱਕ ਰਿਕਾਰਡ ਹੈ, ਕਿਉਂਕਿ ਇਹ ਦੁਨੀਆਂ ਅੱਜ ਤੱਕ ਦੇ ਪੂਰੇ ਮਨੁੱਖੀ ਇਤਿਹਾਸ ਵਿੱਚ ਸੰਤਾਂ ਦੀ ਇੰਨੀ ਗਿਣਤੀ ਤੱਕ ਪਹੁੰਚਣ ਵਿੱਚ ਕਦੇ ਵੀ ਸਫਲ ਨਹੀਂ ਹੋਈ! ਅਤੇ ਸਾਡਾ ਸਮੂਹ, ਇਸ 16% ਸੰਤ ਪਦਵੀ ਵਿੱਚੋਂ, ਸਾਡੇ ਸੰਤ 8% ਹਨ। ਓਹ, ਇਸਦਾ ਮਤਲਬ ਹੈ ਕਿ ਦੁਨੀਆਂ ਦੇ ਸੰਤਾਂ ਦੀ ਗਿਣਤੀ ਵਿੱਚੋਂ ਅੱਧੇ ਸਾਡੇ ਸਮੂਹ ਵਿੱਚ ਹਨ, ਭਾਵੇਂ ਸਾਡੇ ਕੋਲ ਬਹੁਤ ਘੱਟ ਗਿਣਤੀ ਵਿੱਚ ਪੈਰੋਕਾਰ ਹਨ। ਇਸ ਲਈ ਇਹ ਇੱਕ ਕਾਫ਼ੀ ਖੁਸ਼ਨੁਮਾ ਸੰਖਿਆ ਹੈ।

ਦੁਨੀਆਂ ਦੇ ਸਾਰੇ ਸੰਤਾਂ ਤੋਂ, ਅਸੀਂ ਇਸਦਾ 50% ਲਿਆ। ਇਹ ਤਾਂ ਖੁਸ਼ ਹੋਣ ਵਾਲੀ ਗੱਲ ਹੈ। ਦੁਨੀਆਂ ਦੀ ਇਸ ਉਦਾਸੀ-ਭਰੀ ਸਥਿਤੀ ਦੀ ਬਜਾਏ ਘੱਟੋ-ਘੱਟ ਕੁਝ ਚੰਗੀ ਖ਼ਬਰ ਤਾਂ ਹੈ। ਬੇਸ਼ੱਕ, ਇਹ ਸੰਖਿਆ ਮੇਰੀ ਪਸੰਦ ਅਨੁਸਾਰ ਬਹੁਤ ਵੱਡੀ ਨਹੀਂ ਹੈ, ਪਰ ਫਿਰ ਵੀ ਇਸ ਧਰਮ-ਅੰਤ ਯੁੱਗ ਅਤੇ ਦੁਨੀਆ ਦੀ ਇਸ ਸਾਰੀ ਮੁਸੀਬਤ, ਅਤੇ ਨਾਲ ਹੀ ਦੁਨੀਆ ਦੀਆਂ ਸਾਰੀਆਂ ਪਰਤਾਵਿਆਂ ਅਤੇ ਕਠਿਨਾਈਆਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਤੁਹਾਡੇ ਵਿੱਚੋਂ ਬਹੁਤ ਸਾਰੇ ਸੰਤ ਬਣ ਗਏ ਹਨ। ਵਧਾਈਆਂ ਅਤੇ ਮੈਂ ਤੁਹਾਨੂੰ ਇਸ ਲਈ ਪਿਆਰ ਕਰਦੀ ਹਾਂ। ਮੈਂ ਤੁਹਾਨੂੰ ਫਿਰ ਵੀ ਪਿਆਰ ਕਰਦੀ ਹਾਂ, ਭਾਵੇਂ ਕੁਝ ਵੀ ਹੋਵੇ। ਇਹ ਸਿਰਫ਼ ਇੰਨਾ ਹੈ ਕਿ ਕਰਮ ਨਿਯਮ ਮੈਨੂੰ ਹਮੇਸ਼ਾ ਉਨ੍ਹਾਂ ਸਾਰੀਆਂ ਚੀਜ਼ਾਂ ਨੂੰ ਮਨਜ਼ੂਰੀ ਦੇਣ ਦੀ ਇਜਾਜ਼ਤ ਨਹੀਂ ਦਿੰਦਾ ਜੋ ਤੁਸੀਂ ਕਰਦੇ ਹੋ ਜੇਕਰ ਤੁਸੀਂ ਪ੍ਰਮਾਤਮਾ ਦੀ ਇੱਛਾ ਅਨੁਸਾਰ ਕੰਮ ਨਹੀਂ ਕਰਦੇ ਜਾਂ ਉਹ ਕੰਮ ਕਰ ਰਹੇ ਹੋ ਜੋ ਸਾਡੇ ਅਧਿਆਤਮਿਕ ਜੀਵਨ ਢੰਗ ਜਾਂ ਦੂਜੇ ਲੋਕਾਂ ਦੇ ਜੀਵਨ ਢੰਗ ਲਈ ਨੁਕਸਾਨਦੇਹ ਹਨ।

ਹੁਣ, ਮੈਂ ਮਾਰਾ ਦੇ ਰਾਜੇ ਨਾਲ ਗੱਲ ਕੀਤੀ ਕਿਉਂਕਿ ਬਹੁਤ ਸਾਰੇ ਲੋਕਾਂ ਨੇ ਮੈਨੂੰ ਸ਼ਾਂਤੀ ਬਾਰੇ ਦੱਸਿਆ ਹੈ। ਇਸ ਲਈ ਮੈਂ ਉਸਨੂੰ ਪੁੱਛਿਆ ਕਿ ਕੀ ਇਹ ਸੱਚ ਹੈ ਜਾਂ ਨਹੀਂ, ਕਿਉਂਕਿ ਜਦੋਂ ਤੋਂ ਉਹ ਪਿੱਛੇ ਹਟ ਗਿਆ ਹੈ, ਜਿਵੇਂ ਕਿ ਮੈਂ ਬੇਨਤੀ ਕੀਤੀ ਹੈ, ਉਹ ਹੁਣ ਦੁਨੀਆ ਵਿੱਚ ਸਰਗਰਮੀ ਨਾਲ ਕੰਮ ਨਹੀਂ ਕਰ ਰਿਹਾ ਹੈ, ਪਰ ਸਿਰਫ਼ ਕਿਸੇ ਕਿਸਮ ਦੀ ਅਜ਼ਮਾਇਸ਼, ਕੁਝ ਅਨੁਭਵ ਲਈ, ਮੈਂ ਇਹ ਦੇਖਣਾ ਚਾਹੁੰਦੀ ਸੀ ਕਿ ਕੀ ਮਨੁੱਖ ਇਕੱਲੇ ਆਪਣੀ ਕਰਮ ਮੰਜ਼ਿਲ ਨੂੰ ਨੈਵੀਗੇਟ ਕਰ ਸਕਦੇ ਹਨ ਜਾਂ ਨਹੀਂ ਅਤੇ ਕੀ ਉਹ ਆਪਣੀ ਅੰਦਰੂਨੀ ਅਧਿਆਤਮਿਕ ਸ਼ਕਤੀ ਨਾਲ ਖੜ੍ਹੇ ਹੋ ਸਕਦੇ ਹਨ ਜਾਂ ਨਹੀਂ, ਕੀ ਉਹ ਮਾਰਾ ਦੇ ਰਾਜੇ ਦੇ ਪ੍ਰਭਾਵ ਅਤੇ ਨਿਰਣੇ ਤੋਂ ਬਿਨਾਂ, ਇਮਾਨਦਾਰੀ ਨਾਲ, ਡੂੰਘਾਈ ਨਾਲ ਪ੍ਰਮਾਤਮਾ ਨੂੰ ਯਾਦ ਕਰਨਗੇ ਜਾਂ ਨਹੀਂ, ਭਾਵ ਉਹ ਕਰਮ, ਕਰਮ ਦੇ ਕੰਮਾਂ ਦੇ ਨਤੀਜੇ ਆਪਣੇ ਹੱਥਾਂ ਵਿੱਚ ਲੈਂਦੇ ਹਨ। ਪਰ ਮੈਨੂੰ ਵੀ ਬਹੁਤਾ ਕੁਝ ਬਿਹਤਰ ਹੁੰਦਾ ਦਿਖਾਈ ਨਹੀਂ ਦਿੰਦਾ। ਲੋਕ ਪ੍ਰਮਾਤਮਾ ਦੀ ਬਖਸ਼ਿਸ਼ ਅਤੇ ਕਿਰਪਾ ਦੀ ਕਦਰ ਘੱਟ ਤੋਂ ਘੱਟ ਕਰਦੇ ਜਾ ਰਹੇ ਹਨ। ਅਤੇ ਕੱਲ੍ਹ ਬਾਰੇ ਸੋਚੇ ਬਿਨਾਂ ਆਪਣੇ ਆਪ ਨੂੰ ਜਾਂ ਤਾਂ ਦੁਸ਼ਟ ਰਸਤੇ ਜਾਂ ਨੀਵੇਂ ਫੁਰਸਤ ਰਸਤੇ ਵਿੱਚ ਪਾ ਦਿੰਦੇ ਜਾਪਦੇ ਹਨ।

ਤੁਸੀਂ ਖੁਦ ਦੇਖ ਸਕਦੇ ਹੋ ਕਿ ਇਹ ਸਾਰੀਆਂ ਜੰਗਾਂ ਛਿੜ ਰਹੀਆਂ ਹਨ ਅਤੇ ਇੱਕ ਦੂਜੇ ਵਿਰੁੱਧ ਸਾਰੀਆਂ ਨਾਜਾਇਜ਼ ਲੜਾਈਆਂ ਹੋ ਰਹੀਆਂ ਹਨ, ਜੋ ਦੁਨੀਆਂ ਨੂੰ ਹੋਰ ਹੇਠਾਂ ਖਿੱਚ ਰਹੀਆਂ ਹਨ। ਅਤੇ ਫਿਰ ਗ੍ਰਹਿ ਦੀ ਆਬਾਦੀ ਨੂੰ ਨੁਕਸਾਨ ਪਹੁੰਚਾ ਰਹੀਆਂ - ਸਿਰਫ਼ ਮਨੁੱਖਾਂ ਨੂੰ, ਜਾਨਵਰਾਂ-ਲੋਕਾਂ ਅਤੇ ਹੋਰ ਪ੍ਰਜਾਤੀਆਂ ਬਾਰੇ ਗੱਲ ਕਰਨ ਦੀ ਤਾਂ ਗੱਲ ਹੀ ਨਹੀਂ। ਅਸੀਂ ਸੱਚਮੁੱਚ ਆਪਣੇ ਪੈਰ 'ਤੇ ਗੋਲੀ ਮਾਰ ਰਹੇ ਹਾਂ। ਇਸ ਲਈ, ਉਸ ਸਥਿਤੀ ਵਿੱਚ, ਭਾਵੇਂ ਮੈਂ ਸ਼ਾਂਤੀ ਦੀਆਂ ਖ਼ਬਰਾਂ ਅਤੇ ਖੁਸ਼ਖਬਰੀ ਅਤੇ ਇਸ ਸਭ ਕੁਝ ਬਾਰੇ ਬਹੁਤ ਕੁਝ ਜਾਣਦੀ ਹਾਂ, ਮੈਂ ਤੁਹਾਨੂੰ ਹਮੇਸ਼ਾ ਖੁੱਲ੍ਹ ਕੇ ਦੱਸਣ ਦੀ ਹਿੰਮਤ ਵੀ ਨਹੀਂ ਕਰਦੀ, ਕਿਉਂਕਿ ਮੈਨੂੰ ਪਤਾ ਹੈ ਕਿ ਕੱਲ੍ਹ ਇਹ ਤੁਹਾਨੂੰ ਇੱਕ ਵੱਖਰੀ ਕਹਾਣੀ, ਇੱਕ ਉਲਟ ਕਹਾਣੀ ਪੇਸ਼ ਕਰ ਸਕਦੀ ਹੈ। ਇਹ ਬਹੁਤ ਦੁੱਖ ਦੀ ਗੱਲ ਹੈ, ਪਰ ਅਸੀਂ ਸਿਰਫ਼ ਆਪਣੀ ਪੂਰੀ ਕੋਸ਼ਿਸ਼ ਕਰ ਸਕਦੇ ਹਾਂ।

ਇਸ ਲਈ ਮੈਂ ਮਾਰਾ ਦੇ ਰਾਜੇ ਨਾਲ ਗੱਲ ਕੀਤੀ ਅਤੇ ਉਸਨੇ ਕਿਹਾ, "ਹਾਂਜੀ। ਸ਼ਾਂਤੀ ਸੱਚਮੁੱਚ ਆ ਰਹੀ ਹੈ।" ਮੈਂ ਕਿਹਾ, "ਹਾਂਜੀ, ਪਰ ਮੈਨੂੰ ਓਨਾ ਕੁਝ ਨਹੀਂ ਦਿਖਦਾ, ਓਨਾ ਨਹੀਂ ਜਿੰਨਾ ਮੈਨੂੰ ਪਸੰਦ ਹੈ। ਪਰ ਫਿਰ ਵੀ, ਮੈਨੂੰ ਦੱਸੋ, ਅਸੀਂ ਕਿਵੇਂ ਜਿੱਤ ਸਕਦੇ ਹਾਂ? ਫਿਰ ਅਸੀਂ ਸ਼ਾਂਤੀ ਕਿਵੇਂ ਪਾ ਸਕਦੇ ਹਾਂ?" ਤਾਂ ਉਸਨੇ ਕਿਹਾ, "ਪਿਆਰ ਕਾਰਨ। ਪਿਆਰ ਨੇ ਜੰਗਾਂ ਜਿੱਤੀਆਂ, ਅਤੇ ਸ਼ਾਂਤੀ ਕੋਲ ਰਾਜ ਕਰਨ ਦਾ ਇਕ ਮੌਕਾ ਹੈ।" ਤਾਂ ਮੈਂ ਮਾਰਾ ਦੇ ਰਾਜੇ ਨੂੰ ਕਿਹਾ, "ਠੀਕ ਹੈ। ਤੁਸੀਂ ਇਸ ਦੁਨੀਆਂ ਵਿੱਚ ਆਪਣਾ ਨਿਰਣਾ ਕਰਨਾ ਜਾਰੀ ਰੱਖ ਸਕਦੇ ਹੋ। ਤੁਸੀਂ ਲੋਕਾਂ ਨੂੰ ਇਹ ਦੱਸਣ ਲਈ ਜੋ ਵੀ ਤੁਹਾਡੀ ਸ਼ਕਤੀ ਵਿੱਚ ਹੈ, ਉਹ ਕਰਨਾ ਜਾਰੀ ਰੱਖ ਸਕਦੇ ਹੋ ਕਿ ਉਨ੍ਹਾਂ ਦੇ ਕੰਮਾਂ ਦੇ ਅਨੁਸਾਰ ਨਤੀਜੇ ਭੁਗਤਣੇ ਪੈਣਗੇ।"

ਚੰਗੇ ਕੰਮ ਚੰਗੇ ਨਤੀਜੇ ਲਿਆਉਂਦੇ ਹਨ। ਮਾੜੇ ਕੰਮ ਮਾੜੇ ਨਤੀਜੇ ਲਿਆਉਂਦੇ ਹਨ। ਅਤੇ ਭਾਵੇਂ ਕਈ ਵਾਰ ਲੋਕ ਇਸਨੂੰ ਤੁਰੰਤ ਨਹੀਂ ਦੇਖਦੇ, ਇਹ ਆਵੇਗਾ। ਇਸ ਭੌਤਿਕ ਹੋਂਦ ਅਤੇ ਨਿਯਮਾਂ ਦੀ ਦੁਨੀਆਂ ਵਿੱਚ, ਕੋਈ ਵੀ ਬਚ ਨਹੀਂ ਸਕਦਾ। ਬੇਸ਼ੱਕ, ਤੁਸੀਂ, ਮੇਰੇ ਪ੍ਰਮਾਤਮਾ ਦੇ ਪੈਰੋਕਾਰ, ਮੈਨੂੰ ਇਹ ਅਤੇ ਉਹ ਦੱਸੋਗੇ, ਕਿ ਤੁਹਾਡੇ ਕੋਲ ਇਕ ਬਿਹਤਰ ਜ਼ਿੰਦਗੀ ਹੈ; ਤੁਹਾਡੀ ਜ਼ਿੰਦਗੀ ਵਿੱਚ ਚਮਤਕਾਰ ਹਨ; ਤੁਸੀਂ ਸੁਰੱਖਿਅਤ ਮਹਿਸੂਸ ਕਰਦੇ ਹੋ। ਪਰ ਤੁਸੀਂ ਉਹ ਖਾਸ ਲੋਕ ਹੋ ਜੋ ਕਰਮ ਕਾਨੂੰਨ ਦਾ ਸਤਿਕਾਰ ਕਰਦੇ ਹੋ ਅਤੇ ਉਸ ਅਨੁਸਾਰ ਆਪਣਾ ਜੀਵਨ ਜੀਉਂਦੇ ਹੋ! ਇਸ ਕਰਕੇ।

ਪਿਆਰੇ ਸਤਿਗੁਰੂ ਜੀ ਅਤੇ ਸੁਪਰੀਮ ਮਾਸਟਰ ਟੀਵੀ ਟੀਮ, ਮੈਂ 2005 ਵਿੱਚ ਦੀਖਿਆ ਲੈਣ ਤੋਂ ਬਾਅਦ ਦੋ ਵਾਰ ਮੇਰੀ ਜਾਨ ਬਚਾਉਣ ਲਈ ਸਤਿਗੁਰੂ ਜੀ ਦਾ ਧੰਨਵਾਦ ਕਰਨ ਲਈ ਲਿਖ ਰਹੀ ਹਾਂ। ਪਹਿਲੀ ਵਾਰ 2007 ਵਿੱਚ ਸੀ, ਅਤੇ ਇਹ ਬਸ ਸ਼ਾਨਦਾਰ ਸੀ, ਕਿਉਂਕਿ ਸਤਿਗੁਰੂ ਜੀ ਸਮੇਂ ਅਤੇ ਸਥਾਨ ਨੂੰ ਬਦਲਣ ਦੇ ਯੋਗ ਸੀ! ਮੈਂ ਕਾਰ ਵਿੱਚ ਸਵਾਰ ਸੀ, ਅਗਲੀ ਸੀਟ 'ਤੇ ਬੈਠੀ ਸੀ। ਜਦੋਂ ਅਸੀਂ ਇੱਕ ਚੌਰਾਹੇ ਨੂੰ ਪਾਰ ਕਰਦੇ ਸੀ, ਤਾਂ ਸਾਡੀ ਕਾਰ ਦੇ ਡਰਾਈਵਰ ਨੇ ਸੜਕ ਦੇ ਸੱਜੇ ਪਾਸੇ ਦੀ ਜਾਂਚ ਕੀਤੇ ਬਿਨਾਂ ਅੱਗੇ ਵਧਾਇਆ। ਫਿਰ ਮੈਂ ਦੇਖਿਆ ਕਿ ਸਾਡੀ ਕਾਰ ਨਾਲੋਂ ਕਿਤੇ ਵੱਡੀ ਇੱਕ SUV ਪਹਿਲਾਂ ਹੀ ਸਾਡੇ ਕੋਲ ਆ ਗਈ ਸੀ। ਇਹ ਸਿਰਫ਼ ਕੁਝ ਮੀਟਰ ਦੂਰ ਸੀ, ਤੇਜ਼ੀ ਨਾਲ ਆ ਰਹੀ ਸੀ, ਅਤੇ ਇਸਦਾ ਸਮੇਂ ਸਿਰ ਰੁਕਣਾ ਅਸੰਭਵ ਸੀ, ਕਿਉਂਕਿ ਅਸੀਂ ਇਸਦੇ ਰਸਤੇ ਵਿਚ ਚਲੇ ਗਏ ਸੀ, ਅਤੇ ਇਹ ਉੱਥੇ ਹੀ ਟਕਰਾਉਣ ਵਾਲੀ ਸੀ ਜਿੱਥੇ ਮੈਂ ਬੈਠੀ ਸੀ। ਮੇਰੇ ਕੋਲ ਸਿਰਫ਼ ਅੱਖਾਂ ਘੁਟ ਕੇ ਬੰਦ ਕਰਨ ਦਾ ਸਮਾਂ ਸੀ। ਮੈਨੂੰ ਪਤਾ ਸੀ ਕਿ ਹਾਦਸਾ ਅਟੱਲ ਸੀ ਅਤੇ ਮੈਂ ਮਰਨ ਵਾਲੀ ਸੀ। ਫਿਰ ਮੈਨੂੰ ਆਪਣੇ ਉੱਪਰ ਰੌਸ਼ਨੀ ਦੀ ਇੱਕ ਸੁਰੰਗ ਖੁੱਲ੍ਹਦੀ ਮਹਿਸੂਸ ਹੋਈ, ਅਤੇ ਮੈਨੂੰ ਪਤਾ ਸੀ ਕਿ ਮੈਨੂੰ ਮੇਰੇ ਸਰੀਰ ਵਿੱਚੋਂ ਬਾਹਰ ਕੱਢ ਦਿੱਤਾ ਜਾਵੇਗਾ। ਉਸ ਪਲ, ਮੈਂ ਸਿਰਫ਼ ਇਹ ਸ਼ਬਦ ਸੋਚੇ, ਜੋ ਮੈਨੂੰ ਹਮੇਸ਼ਾ ਯਾਦ ਰਹਿਣਗੇ: "ਸਤਿਗੁਰੂ ਜੀ, ਮੈਂ ਆ ਰਹੀ ਹਾਂ!" ਅਤੇ ਮੈਂ ਰੌਸ਼ਨੀ ਦੀ ਸੁਰੰਗ ਵਿੱਚੋਂ ਲੰਘਣ ਵਾਲੇ ਪ੍ਰਭਾਵ ਦੀ ਉਡੀਕ ਕੀਤੀ। ਹਾਲਾਂਕਿ, ਕੁਝ ਸਕਿੰਟ ਬੀਤ ਗਏ ਅਤੇ ਕੋਈ ਹਾਦਸਾ ਨਹੀਂ ਹੋਇਆ। ਹੈਰਾਨ ਹੋ ਕੇ, ਮੈਂ ਆਪਣੀਆਂ ਅੱਖਾਂ ਖੋਲ੍ਹੀਆਂ ਅਤੇ ਦੇਖਿਆ ਕਿ, ਬਿਲਕੁਲ ਸਮਝ ਤੋਂ ਬਾਹਰ ਤਰੀਕੇ ਨਾਲ, ਅਸੀਂ ਅਜੇ ਵੀ ਸੜਕ'ਤੇ ਉਸੇ ਥਾਂ 'ਤੇ ਸੀ, ਅਤੇ ਉਹ ਕਾਰ ਜੋ ਕੁਝ ਸਕਿੰਟ ਪਹਿਲਾਂ ਸਾਡੇ ਨਾਲ ਟਕਰਾਉਣ ਵਾਲੀ ਸੀ, ਹੁਣ ਬਹੁਤ ਪਿੱਛੇ ਸੀ! ਇਹ ਅੱਗੇ ਵਧਣ ਦੀ ਬਜਾਏ ਪਿੱਛੇ ਹਟ ਗਈ ਸੀ, ਜੋ ਕਿ ਪੂਰੀ ਤਰ੍ਹਾਂ ਅਸੰਭਵ ਸੀ! ਉਸ ਪਲ, ਮੈਨੂੰ ਪਤਾ ਸੀ ਕਿ ਸਤਿਗੁਰੂ ਜੀ ਨੇ ਸਮਾਂ ਅਤੇ ਜਗ੍ਹਾ ਬਦਲ ਦਿੱਤੀ ਤਾਂ ਜੋ ਸਾਨੂੰ ਸੜਕ ਪਾਰ ਕਰਨ ਦਾ ਮੌਕਾ ਮਿਲ ਸਕੇ ਬਿਨਾਂ ਕਿਸੇ ਦੁਰਘਟਨਾ ਦੇ।

ਦੂਜੀ ਵਾਰ ਜਦੋਂ ਸਤਿਗੁਰੂ ਜੀ ਨੇ ਮੇਰੀ ਜਾਨ ਬਚਾਈ, ਹਾਲ ਹੀ ਵਿੱਚ, 29 ਅਕਤੂਬਰ, 2024 ਨੂੰ, ਸਪੇਨ ਦੇ ਵੈਲੇਂਸੀਆ ਵਿੱਚ ਅਚਾਨਕ ਹੜ੍ਹ ਦੌਰਾਨ। ਸਿਰਫ਼ ਸਤਿਗੁਰੂ ਜੀ ਦੀ ਮਦਦ ਨਾਲ ਹੀ ਅਸੀਂ ਘਰ ਦੇ ਪੂਰੀ ਤਰ੍ਹਾਂ ਹੜ੍ਹ ਆਉਣ ਤੋਂ ਪਹਿਲਾਂ ਹੀ ਬਾਹਰ ਨਿਕਲ ਸਕੇ - ਮੇਰਾ ਪਤੀ (ਜੋ ਕਿ ਇੱਕ ਦੀਖਿਅਕ ਵੀ ਹੈ), ਸਾਡੇ ਛੇ ਬਿੱਲੀ-ਸਾਥੀ, ਅਤੇ ਮੈਂ। ਉਸ ਤੋਂ ਬਾਅਦ, ਸਤਿਗੁਰੂ ਜੀ ਸਾਡੀ ਦੇਖਭਾਲ ਕਰਦੇ ਰਹੇ ਹਨ, ਬਹੁਤ ਸਾਰੇ ਚੰਗੇ ਲੋਕਾਂ ਰਾਹੀਂ ਸਾਡੀ ਮਦਦ ਕਰਦੇ ਰਹੇ ਹਨ। ਪਿਆਰੇ ਸਤਿਗੁਰੂ ਜੀ, ਮੇਰੇ ਕੋਲ ਤੁਹਾਡੇ ਲਈ ਆਪਣੀ ਸ਼ੁਕਰਗੁਜ਼ਾਰੀ, ਪ੍ਰਸ਼ੰਸਾ ਅਤੇ ਪਿਆਰ ਪ੍ਰਗਟ ਕਰਨ ਲਈ ਕੋਈ ਸ਼ਬਦ ਨਹੀਂ ਹਨ। ਹਮੇਸ਼ਾ ਸਾਡੇ ਨਾਲ ਰਹਿਣ, ਸਾਡੀ ਰੱਖਿਆ ਕਰਨ ਅਤੇ ਮਾਰਗਦਰਸ਼ਨ ਕਰਨ ਲਈ ਤੁਹਾਡਾ ਧੰਨਵਾਦ। ਅਸੀਂ ਤੁਹਾਨੂੰ ਬਹੁਤ ਪਿਆਰ ਕਰਦੇ ਹਾਂ। ਨਿਮਰਤਾ ਅਤੇ ਬੇਅੰਤ ਸ਼ੁਕਰਗੁਜ਼ਾਰੀ ਨਾਲ, ਤੁਹਾਡੀ ਪੈਰੋਕਾਰ ਲਾਏਆ ਅਤੇ ਮੇਰਾ ਪਰਿਵਾਰ ਵੈਲੈਂਸੀਆ, ਸਪੇਨ ਤੋਂ

ਮੈਂ ਸਤਿਗੁਰੂ ਜੀ ਦਾ ਧੰਨਵਾਦ ਕਰਨਾ ਚਾਹੁੰਦਾ ਹਾਂ ਕਿ ਉਨ੍ਹਾਂ ਨੇ ਮੇਰੇ ਵਰਗੇ ਇਕ ਨਿਕੰਮੇਂ ਪੈਰੋਕਾਰ ਨੂੰ ਪੂਰੇ ਦਿਲੋਂ ਪਿਆਰ ਕੀਤਾ, ਦੇਖਭਾਲ ਕੀਤੀ ਅਤੇ ਸਿੱਖਿਆ ਦਿੱਤੀ। ਮੈਂ ਪਹਿਲਾਂ ਸਤਿਗੁਰੂ ਜੀ 'ਤੇ ਸ਼ੱਕ ਕਰਦਾ ਸੀ, ਜ਼ਿੱਦ ਨਾਲ ਉਸ ਗੱਲ 'ਤੇ ਵਿਸ਼ਵਾਸ ਕਰਦਾ ਸੀ ਜੋ ਮੈਂ ਸਹੀ ਸਮਝਦਾ ਸੀ, ਅਤੇ ਸਤਿਗੁਰੂ ਜੀ ਦੀਆਂ ਸਿੱਖਿਆਵਾਂ 'ਤੇ ਪੂਰੀ ਤਰ੍ਹਾਂ ਵਿਸ਼ਵਾਸ ਨਹੀਂ ਕਰਦਾ ਸੀ। ਹਾਲਾਂਕਿ, ਜਦੋਂ ਤੋਂ ਮੈਂ ਬਹੁਤ ਛੋਟਾ ਸੀ, ਹੁਣ ਤੱਕ, ਸਤਿਗੁਰੂ ਜੀ ਨੇ ਮੈਨੂੰ ਕਈ ਵਾਰ ਮੌਤ ਦੇ ਮੂੰਹ ਤੋਂ ਬਚਾਇਆ ਹੈ।

ਤਿੰਨ ਸਭ ਤੋਂ ਪ੍ਰਭਾਵਸ਼ਾਲੀ ਪਲਾਂ ਵਿੱਚ ਇੱਕ ਪਲ ਸ਼ਾਮਲ ਹੈ ਜਦੋਂ ਮੈਨੂੰ ਇੱਕ ਸ਼ਰਾਬੀ ਡਰਾਈਵਰ ਨੇ ਟੱਕਰ ਮਾਰ ਦਿੱਤੀ ਸੀ। ਸਾਰਿਆਂ ਨੇ ਕਿਹਾ ਕਿ ਮੈਨੂੰ ਅਸਮਾਨ ਵਿੱਚ ਸੁੱਟ ਦਿੱਤਾ ਗਿਆ ਅਤੇ ਫਿਰ ਡਿੱਗ ਪਿਆ, ਪਰ ਜਦੋਂ ਮੈਂ ਹੋਸ਼ ਵਿੱਚ ਆਇਆ ਤਾਂ ਮੈਂ ਸਿਰਫ਼ ਇੱਕ ਚਿੱਟਾ ਪਰਦਾ ਦੇਖਿਆ ਅਤੇ ਕਿਸੇ ਨਰਮ ਚੀਜ਼ ਨੇ ਮੈਨੂੰ ਜੱਫੀ ਪਾ ਲਈ। ਜਦੋਂ ਮੈਂ ਜਾਗਿਆ, ਮੈਂ ਦੇਖਿਆ ਕਿ ਮੇਰਾ ਸਾਈਕਲ ਬੁਰੀ ਤਰ੍ਹਾਂ ਖਰਾਬ ਹੋ ਗਿਆ ਸੀ, ਪਰ ਮੈਨੂੰ ਬਿਲਕੁਲ ਵੀ ਸੱਟ ਨਹੀਂ ਲੱਗੀ।

ਦੂਜੀ ਵਾਰ, ਇੱਕ ਵਿਅਕਤੀ ਜੋ ਤੇਜ਼ ਰਫ਼ਤਾਰ (ਲਗਭਗ 80-90 ਕਿਲੋਮੀਟਰ/ਘੰਟਾ) 'ਤੇ ਮੋਟਰਸਾਈਕਲ ਚਲਾ ਰਿਹਾ ਸੀ, ਨੇ ਮੈਨੂੰ ਟੱਕਰ ਮਾਰੀ, ਪਰ ਮੈਨੂੰ ਸਿਰਫ਼ ਕੁਝ ਮਾਮੂਲੀ ਝਰੀਟਾਂ ਹੀ ਲੱਗੀਆਂ ਅਤੇ ਸਾਈਕਲ ਥੋੜ੍ਹਾ ਜਿਹਾ ਨੁਕਸਾਨਿਆ ਗਿਆ।

ਤੀਜੀ ਵਾਰ, ਮੈਂ ਆਪਣਾ ਮੋਟਰਸਾਈਕਲ ਤੇਜ਼ ਰਫ਼ਤਾਰ (90 ਤੋਂ 100ਕਿਲੋਮੀਟਰ/ਘੰਟਾ) 'ਤੇ ਚਲਾ ਰਿਹਾ ਸੀ, ਅਤੇ ਜਦੋਂ ਮੈਂ ਮੋੜ ਦੇ ਨੇੜੇ ਪਹੁੰਚਿਆ, ਤਾਂ ਮੇਰੀ ਗਰਦਨ ਦਾ ਸਕਾਰਫ਼ ਅਚਾਨਕ ਮੇਰੇ ਚਿਹਰੇ 'ਤੇ ਚੜ੍ਹ ਗਿਆ ਅਤੇ ਮੇਰੀਆਂ ਅੱਖਾਂ ਨੂੰ ਲਗਭਗ ਇੱਕ ਜਾਂ ਦੋ ਮਿੰਟ ਲਈ ਢੱਕ ਲਿਆ। ਜਦੋਂ ਮੈਨੂੰ ਆਪਣੀ ਨਜ਼ਰ ਵਾਪਸ ਆਈ, ਮੈਂ ਦੇਖਿਆ ਕਿ ਮੈਂ ਉਸ ਥਾਂ 'ਤੇ ਸੀ ਜਿੱਥੇ "ਪਹਿਲਾਂ" ਸਕਾਰਫ਼ ਨੇ ਮੇਰੀਆਂ ਅੱਖਾਂ ਨੂੰ ਢੱਕਿਆ ਹੋਇਆ ਸੀ ਅਤੇ ਮੋਟਰਸਾਈਕਲ ਦੀ ਗਤੀ ਅਜੇ ਵੀ 90 ਕਿਲੋਮੀਟਰ/ਘੰਟਾ ਸੀ। ਮੈਂ ਤੁਰੰਤ ਸਾਈਕਲ ਦੀ ਗਤੀ ਘਟਾ ਦਿੱਤੀ ਅਤੇ ਪਵਿੱਤਰ ਨਾਮਾਂ ਦਾ ਜਾਪ ਕੀਤਾ।

2019 ਤੋਂ ਲੈ ਕੇ ਹੁਣ ਤੱਕ, ਕੋਵਿਡ-19 ਦੇ ਤਿੰਨ ਪ੍ਰਕੋਪ ਹੋਏ ਹਨ। ਫਿਰ ਮੈਨੂੰ ਅਹਿਸਾਸ ਹੋਇਆ ਕਿ ਮੈਂ ਕਿੰਨਾ ਭਾਗਸ਼ਾਲੀ ਹਾਂ ਕਿ ਮੈਂ ਸਤਿਗੁਰੂ ਜੀ ਦਾ ਇਕ ਪੈਰੋਕਾਰ ਹਾਂ। ਭਾਵੇਂ ਬਾਹਰ ਇੰਨੀ ਹਫੜਾ-ਦਫੜੀ ਸੀ, ਮੇਰਾ ਪਰਿਵਾਰ ਬਹੁਤ ਸੁਰੱਖਿਅਤ ਸੀ ਅਤੇ ਕੁਝ ਵੀ ਨਹੀਂ ਹੋ ਰਿਹਾ ਸੀ।

ਜਿੰਨਾ ਚਿਰ ਅਸੀਂ ਸਤਿਗੁਰੂ ਵਿੱਚ ਵਿਸ਼ਵਾਸ ਰੱਖਦੇ ਹਾਂ, ਵੀਗਨ ਹਾਂ, ਪੰਜ ਉਪਦੇਸ਼ਾਂ ਦੀ ਪਾਲਣਾ ਕਰਦੇ ਹਾਂ, ਸਹੀ ਅਨੁਪਾਤ ਵਿੱਚ ਮੈਡੀਟੇਸ਼ਨ ਕਰਦੇ ਹਾਂ, ਸਤਿਗੁਰੂ ਦੀਆਂ ਸਿੱਖਿਆਵਾਂ ਅਤੇ ਨਿਰਦੇਸ਼ਾਂ ਅਨੁਸਾਰ ਕਰਦੇ ਹਾਂ, ਤਦ ਸਤਿਗੁਰੂ ਦੁਨੀਆਂ ਦੇ ਅੰਤ ਤੱਕ ਸਾਡੇ ਨਾਲ ਰਹਿਣਗੇ, ਜਿਵੇਂ ਕਿ ਉਨ੍ਹਾਂ ਦੇ ਗੀਤ "ਮੈਂ ਹਮੇਸ਼ਾ ਲਈ ਤੁਹਾਨੂੰ ਪਿਆਰ ਕਰਾਂਗੀ" ਵਿੱਚ, ਭਾਵੇਂ ਮੌਤ ਤੋਂ ਪਹਿਲਾਂ ਹੋਵੇ ਜਾਂ ਬਾਅਦ ਵਿੱਚ, ਧਰਤੀ ਉੱਤੇ, ਸਵਰਗ ਵਿੱਚ, ਜਾਂ ਕਿਸੇ ਹੋਰ ਸੰਸਾਰ ਵਿੱਚ। ਇਸ ਲਈ, ਸਾਨੂੰ ਦੀਖਿਅਕਾਂ ਨੂੰ ਭਵਿੱਖ ਤੋਂ ਡਰਨਾ ਨਹੀਂ ਚਾਹੀਦਾ, ਪਰ ਮੈਡੀਟੇਸ਼ਨ ਕਰਨ ਦੀ ਪੂਰੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ, ਜੋ ਅਸੀਂ ਚੰਗਾ ਨਹੀਂ ਕੀਤਾ ਉਸ ਤੋਂ ਪਛਤਾਵਾ ਕਰਨਾ ਚਾਹੀਦਾ ਹੈ, ਅਤੇ ਹਰ ਰੋਜ਼ ਸਤਿਗੁਰੂ ਜੀ ਦੇ ਨਾਲ ਮਿਲ ਕੇ ਸਰਬਸ਼ਕਤੀਮਾਨ ਪ੍ਰਮਾਤਮਾ ਦਾ ਧੰਨਵਾਦ ਕਰਨਾ ਚਾਹੀਦਾ ਹੈ। ਮੈਂ ਚਾਹੁੰਦਾ ਹਾਂ ਕਿ ਸਤਿਗੁਰੂ ਜੀ ਅਤੇ ਮਨੁੱਖਤਾ ਦੀ ਜਿੱਤ ਹੋਵੇ। ਔ ਲੈਕ (ਵੀਐਤਨਾਮ) ਤੋਂ ਹੁਈ ਹੋਆਂਗ

ਆਦਿ...

ਅਤੇ ਤੁਸੀਂ ਸੁਰੱਖਿਅਤ ਹੋ, ਯਕੀਨੀ ਤੌਰ 'ਤੇ। ਪਰ ਇਹ ਇਸ ਲਈ ਹੈ ਕਿਉਂਕਿ ਸਤਿਗੁਰੂ ਸ਼ਕਤੀ ਮਦਦ ਕਰ ਰਹੀ ਹੈ ਅਤੇ ਭੁਗਤਾਨ ਕਰ ਰਹੀ ਹੈ। ਪਰ ਇਹ ਹਮੇਸ਼ਾ ਕੁੱਲ ਰਕਮ ਦਾ ਭੁਗਤਾਨ ਨਹੀਂ ਕਰ ਸਕਦੀ ਅਤੇ ਨਾ ਹੀ ਵੱਡੀਆਂ ਜਾਂ ਮਾੜੀਆਂ ਰਕਮਾਂ ਦਾ। ਇਸ ਲਈ ਤੁਹਾਨੂੰ ਅਜੇ ਵੀ ਪ੍ਰਮਾਤਮਾ ਦੇ ਹੁਕਮਾਂ, ਬੁੱਧ ਦੇ ਪੰਜ ਉਪਦੇਸ਼ਾਂ ਅਨੁਸਾਰ ਜੀਉਣ ਦੀ ਜ਼ਰੂਰਤ ਹੈ। ਅਤੇ ਸਾਡੇ ਕੋਲ ਮਾਰਾ ਦੇ ਨਿਯਮ ਵੀ ਹਨ। ਮੈਂ ਤੁਹਾਨੂੰ ਬਾਅਦ ਵਿੱਚ ਪੜ੍ਹ ਕੇ ਸੁਣਾਵਾਂਗੀ।

Photo Caption: "ਦੂਜਿਆਂ ਨੂੰ ਖੁਸ਼ੀ ਦੇਣ ਨਾਲ ਸਬੰਧਤ ਖੁਸ਼ੀਆਂ-ਭਰੇ ਸਮਾਗਮਾਂ ਦੀ ਇੱਕ ਲੜੀ"

ਫੋਟੋ ਡਾਊਨਲੋਡ ਕਰੋ