ਮਾਰਾ ਦਾ ਰਾਜਾ ਭੌਤਿਕ ਸੰਸਾਰ ਦੇ 10 ਨਿਯਮ ਸਾਂਝੇ ਕਰਦਾ ਹੈ, ਪੰਜ ਹਿਸਿਆਂ ਦਾ ਦੂਸਰਾ ਭਾਗ

ਹੁਣ, ਮੈਂ ਉਸਨੂੰ(ਮਾਰਾ ਦੇ ਰਾਜੇ ਨੂੰ) ਪੁੱਛਿਆ, "ਇਹ ਪਿਆਰ ਕਿੱਥੋਂ ਆਉਂਦਾ ਹੈ? ਕਿਸ ਤਰ੍ਹਾਂ ਦਾ ਪਿਆਰ ਜੰਗ ਨੂੰ ਹਾਵੀ ਕਰ ਸਕਦਾ ਹੈ ਅਤੇ ਜਿੱਤ ਸਕਦਾ ਹੈ?" ਉਸਨੇ ਕਿਹਾ, "ਤੁਹਾਡਾ ਪਿਆਰ ਅਤੇ ਤੁਹਾਡੇ ਪੈਰੋਕਾਰਾਂ ਦਾ ਪਿਆਰ।" ਓਹ, ਮੈਂ ਇਸ ਬਾਰੇ ਬਹੁਤ ਪ੍ਰਭਾਵਿਤ ਅਤੇ ਖੁਸ਼ ਸੀ। ਘੱਟੋ-ਘੱਟ ਸਾਡਾ ਅਭਿਆਸ, ਸਾਡਾ ਪਿਆਰ, ਯੁੱਧ ਨੂੰ ਕੰਟਰੋਲ ਕਰਨ ਅਤੇ ਸ਼ਾਂਤੀ ਲਿਆਉਣ ਵਿੱਚ ਕੁਝ ਵੱਡਾ ਹਿੱਸਾ ਪਾਉਂਦਾ ਹੈ, ਭਾਵੇਂ ਇਹ ਪੂਰੀ ਤਰ੍ਹਾਂ ਨਾ ਹੋਵੇ ਜਾਂ ਅਜੇ ਸਥਾਈ ਨਾ ਹੋਵੇ। ਪਰ ਕੌਣ ਜਾਣਦਾ ਹੈ, ਇਹ ਸਥਾਈ ਹੋ ਸਕਦਾ ਹੈ। ਕਿਉਂਕਿ ਅਸੀਂ ਇੱਥੇ ਇਕੱਲੇ ਨਹੀਂ ਰਹਿੰਦੇ। ਸਾਨੂੰ ਦੁਨੀਆ ਦੇ ਸਮੂਹਿਕ ਕਰਮ ਦਾ ਕੁਝ ਹਿੱਸਾ ਸਾਂਝਾ ਕਰਨਾ ਪੈਂਦਾ ਹੈ ਕਿਉਂਕਿ ਅਸੀਂ ਉਨ੍ਹਾਂ ਨਾਲ ਰਹਿੰਦੇ ਹਾਂ। ਅਸੀਂ ਉਨ੍ਹਾਂ ਨਾਲ ਖਾਂਦੇ ਹਾਂ, ਉਨ੍ਹਾਂ ਦਾ ਭੋਜਨ, ਉਨ੍ਹਾਂ ਦੀ ਉਪਜ। ਅਸੀਂ ਉਨ੍ਹਾਂ ਦੇ ਰਚਨਾਤਮਕ ਪਦਾਰਥਾਂ ਜਾਂ ਚੀਜ਼ਾਂ ਦੀ ਵਰਤੋਂ ਕਰਦੇ ਹਾਂ। ਅਤੇ ਘੱਟ ਜਾਂ ਵੱਧ ਸਾਨੂੰ ਕਿਸੇ ਤਰ੍ਹਾਂ ਭੁਗਤਾਨ ਕਰਨਾ ਪੈਂਦਾ ਹੈ, ਭਾਵੇਂ ਸਤਿਗੁਰੂ ਪਹਿਲਾਂ ਹੀ ਸਭ ਤੋਂ ਵੱਧ ਭੁਗਤਾਨ ਕਰਦਾ ਹੈ। ਇਹ ਸੰਸਾਰ ਹੈ, ਜਿਵੇਂ ਕਿ ਚੀਨ ਦੇ ਸੰਤਾਂ ਨੇ ਕਿਹਾ, 世界是一個最大的染缸। ਭਾਵ ਇਹ ਰੰਗਾਂ ਦਾ ਇੱਕ ਵੱਡਾ ਭੰਡਾਰ ਹੈ। ਅਤੇ ਅਸੀਂ ਦੇਖ ਸਕਦੇ ਹਾਂ ਕਿ ਇਸ ਦੁਨੀਆਂ ਕੋਲ ਸਾਡੇ ਲਈ ਬਹੁਤਾ ਰੰਗੀਨ ਰੰਗ ਨਹੀਂ ਹੈ। ਇਹ ਬਸ ਕਾਲਾ, ਭੂਰਾ ਹੈ। ਇਹੀ ਉਹ ਕਰਮ ਹੈ ਜੋ ਗ੍ਰਹਿ ਦੀ ਕਿਸਮਤ ਨੂੰ ਹਾਵੀ ਕਰ ਦਿੰਦਾ ਹੈ ਅਤੇ ਹਰ ਕਿਸੇ ਨੂੰ ਦੁੱਖ ਦਿੰਦਾ ਹੈ। ਉਹ ਇਸਨੂੰ ਦੇਖਦੇ ਹਨ, ਪਰ ਉਹ ਇਸਨੂੰ ਬਦਲਣਾ ਨਹੀਂ ਚਾਹੁੰਦੇ, ਜਾਂ ਉਹਨਾਂ ਕੋਲ ਬਦਲਣ ਦੀ ਕਾਫੀ ਤਾਕਤ ਨਹੀਂ ਹੈ।

ਮੈਂ ਓਨੀ ਹੀ ਬੇਤਰਤੀਬ ਗੱਲ ਕਰ ਰਹੀ ਹਾਂ ਜਿੰਨੀ ਮੈਨੂੰ ਇਹ ਯਾਦ ਹੈ, ਕਿਉਂਕਿ ਗੱਲਬਾਤ ਹਮੇਸ਼ਾ ਇੱਕ ਵਿਸ਼ੇ 'ਤੇ ਕੇਂਦ੍ਰਿਤ ਨਹੀਂ ਹੁੰਦੀ, ਪਰ ਇਹ ਕਈ ਵਾਰ ਅੱਗੇ-ਪਿੱਛੇ ਛਾਲ ਮਾਰਦੀ ਹੈ, ਜਾਂ ਸੰਬੰਧਿਤ ਵਿਸ਼ੇ ਸਾਹਮਣੇ ਆਉਣਗੇ। ਇਸ ਲਈ ਕੋਈ ਫ਼ਰਕ ਨਹੀਂ ਪੈਂਦਾ; ਮੈਂ ਤੁਹਾਨੂੰ ਸਿਰਫ਼ ਉਹੀ ਦੱਸਦੀ ਹਾਂ ਜੋ ਮੈਨੂੰ ਲੱਗਦਾ ਹੈ ਕਿ ਤੁਹਾਨੂੰ ਪਤਾ ਹੋਣਾ ਚਾਹੀਦਾ ਹੈ, ਜਾਂ ਮੈਨੂੰ ਕੀ ਦੱਸਣ ਦੀ ਇਜਾਜ਼ਤ ਹੈ। ਇਸ ਲਈ ਮੈਂ ਤੁਹਾਨੂੰ ਸਿਰਫ਼ ਇਹ ਦੱਸ ਰਹੀ ਹਾਂ ਕਿ ਤੁਹਾਡੇ ਪਿਆਰ ਦਾ, ਸਾਡੇ ਪਿਆਰ ਦਾ, ਸਚਮੁਚ ਇਕ ਵਧੀਆ ਪ੍ਰਭਾਵ ਹੈ, ਜੇਕਰ ਅਸੀਂ ਇਸ ਦੁਨੀਆਂ ਵਿੱਚ ਇੱਕ ਵੱਡਾ ਪ੍ਰਭਾਵ ਨਹੀਂ ਕਹਿਣਾ ਚਾਹੁੰਦੇ। ਨਹੀਂ ਤਾਂ, ਇਹ ਦੁਨੀਆਂ ਬਹੁਤ ਪਹਿਲਾਂ ਤਬਾਹ ਹੋ ਚੁੱਕੀ ਹੁੰਦੀ। ਇਸ ਲਈ ਕਿਰਪਾ ਕਰਕੇ ਆਪਣਾ ਪਿਆਰ-ਭਰਿਆ ਮੈਡੀਟੇਸ਼ਨ ਅਭਿਆਸ ਜਾਰੀ ਰੱਖੋ। ਕਿਰਪਾ ਕਰਕੇ ਕੁਆਨ ਯਿਨ ਮੈਡੀਟੇਸ਼ਨ ਅਭਿਆਸ ਦੀ ਆਪਣੀ ਸ਼ਕਤੀਸ਼ਾਲੀ, ਪਿਆਰ-ਭਰੀ, ਦੇਖਭਾਲ-ਕਰਨ ਵਾਲੀ, ਸ਼ਕਤੀਸ਼ਾਲੀ ਊਰਜਾ ਨੂੰ ਜਾਰੀ ਰੱਖੋ, ਅਤੇ ਉਸ ਸਤਿਗੁਰੂ ਸ਼ਕਤੀ ਵਿੱਚ ਵਿਸ਼ਵਾਸ ਰੱਖੋ ਜੋ ਹਮੇਸ਼ਾ ਤੁਹਾਡੇ ਨਾਲ ਹੈ ਅਤੇ ਜਿੰਨਾ ਸੰਭਵ ਹੋ ਸਕੇ ਤੁਹਾਡੀ ਮਦਦ ਕਰਦਾ ਹੈ।

ਪਰ ਤੁਹਾਡਾ ਪਿਆਰ, ਤੁਹਾਡਾ ਮਿਹਨਤੀ ਅਭਿਆਸ, ਤ੍ਰਿਏਕ, ਪ੍ਰਮਾਤਮਾ, ਟਿਮ ਕੋ ਟੂ, ਅਤੇ ਪ੍ਰਮਾਤਮਾ ਦੇ ਪੁੱਤਰ ਯਿਸੂ ਮਸੀਹ ਵਿੱਚ ਤੁਹਾਡਾ ਸੱਚਾ ਵਿਸ਼ਵਾਸ… ਦੋਵੇਂ ਅਸਲ ਵਿੱਚ ਪ੍ਰਮਾਤਮਾ ਦੇ ਪੁੱਤਰ ਹਨ। ਜਿਵੇਂ ਲਾਓ ਜ਼ੂ ਨੇ ਕਿਹਾ ਸੀ ਕਿ ਸਭ ਤੋਂ ਮਹਾਨ ਨੇ ਦੋ ਨੂੰ ਜਨਮ ਦਿੱਤਾ। ਅਤੇ ਦੋਵਾਂ ਤੋਂ, ਹੋਰ ਅਤੇ ਹੋਰ ਬਹੁਤ ਸਾਰ‌ਿਆਂ ਨੂੰ ਜਨਮ ਦਿੱਤਾ, ਅਤੇ ਫਿਰ ਇਸ ਸ੍ਰਿਸ਼ਟੀ ਵਿੱਚੋਂ, ਬ੍ਰਹਿਮੰਡ ਦੇ ਇਸ ਸਭ ਤੋਂ ਮਹਾਨ ਜਨਮ ਵਿੱਚੋਂ 10,000 ਚੀਜ਼ਾਂ ਪੈਦਾ ਹੋਈਆਂ। ਪ੍ਰਮਾਤਮਾ ਦੇ ਪੁੱਤਰ ਤੋਂ ਬਿਨਾਂ, ਪ੍ਰਮਾਤਮਾ ਦੇ ਇਨ੍ਹਾਂ ਦੋ ਪੁੱਤਰਾਂ ਤੋਂ ਬਿਨਾਂ, ਇੱਥੇ ਕੋਈ ਜਨਮ ਵੀ ਨਹੀਂ ਲੈ ਸਕਦਾ। ਕਿਸੇ ਨੂੰ ਮਾਫ਼ ਵੀ ਨਹੀਂ ਕੀਤਾ ਜਾ ਸਕਦਾ। ਕੋਈ ਵੀ ਸੰਤ ਦੀ ਪਦਵੀ ਤੱਕ ਵੀ ਉੱਚਾ ਨਹੀਂ ਹੋ ਸਕਦਾ। ਅਤੇ ਇਸ ਗ੍ਰਹਿ 'ਤੇ ਜਿੰਨੇ ਘੱਟ ਸੰਤ ਹੋਣਗੇ, ਓਨਾ ਹੀ ਜ਼ਿਆਦਾ ਹਨੇਰਾ ਫੈਲੇਗਾ, ਇਸ ਗ੍ਰਹਿ 'ਤੇ ਰਹਿਣ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਜ਼ਿਆਦਾ ਦੁੱਖ ਹੋਵੇਗਾ, ਭਾਵੇਂ ਸਰੀਰ ਤੋਂ ਬਿਨਾਂ ਹੋਵੇ, ਭਾਵੇਂ ਸਿਰਫ਼ ਆਤਮਾ ਵਿੱਚ ਹੀ ਕਿਉਂ ਨਾ ਹੋਵੇ। ਇਸ ਲਈ, ਬੇਸ਼ੱਕ, ਪ੍ਰਮਾਤਮਾ ਬਹੁਤ ਦਿਆਲੂ ਅਤੇ ਮਾਫ਼-ਕਰਨ ਵਾਲਾ ਹੈ। ਅਸੀਂ ਸਰਬਸ਼ਕਤੀਮਾਨ ਪ੍ਰਮਾਤਮਾ ਦਾ ਹਮੇਸ਼ਾ, ਹਮੇਸ਼ਾ, ਹਮੇਸ਼ਾ ਲਈ ਧੰਨਵਾਦ ਕਰਦੇ ਹਾਂ। ਅਸੀਂ ਕਦੇ ਵੀ ਪ੍ਰਮਾਤਮਾ ਦਾ ਕਾਫੀ ਧੰਨਵਾਦ ਨਹੀਂ ਕਰ ਸਕਦੇ, ਸਾਡੇ ਮਾਤਾ-ਪਿਤਾ, ਕਦੇ ਵੀ ਕਾਫ਼ੀ ਧੰਨਵਾਦ ਨਹੀਂ ਕਰ ਸਕਦੇ। ਸਾਡੇ ਸਭ ਤੋਂ ਮਹਾਨ ਇੱਕਲੌਤੇ ਮਾਪੇ।

ਹੁਣ, ਮੈਂ ਤੁਹਾਡੀ ਵੀ ਧੰਨਵਾਦੀ ਹਾਂ, ਮੇਰੇ ਪ੍ਰਮਾਤਮਾ ਦੇ ਪੈਰੋਕਾਰ, ਕਿ ਤੁਸੀਂ ਇਸ ਗ੍ਰਹਿ ਲਈ ਮਹਾਨਤਾ, ਪਿਆਰ, ਸਹਿਣਸ਼ੀਲਤਾ, ਦ੍ਰਿੜਤਾ ਅਤੇ ਆਸ਼ੀਰਵਾਦ ਦਾ ਯੋਗਦਾਨ ਪਾ ਰਹੇ ਹੋ। ਮੈਂ ਤੁਹਾਡੀ ਧੰਨਵਾਦੀ ਹਾਂ। ਮੈਂ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਵਰਕਰਾਂ ਦੀ, ਟੀਮ ਮੈਂਬਰਾਂ ਦੀ ਜੋ ਘਰ ਦੇ ਅੰਦਰ ਹਨ, ਅਤੇ ਦੂਰ-ਦੁਰਾਡੇ ਮੈਂਬਰਾਂ ਦੀ ਵੀ ਧੰਨਵਾਦੀ ਹਾਂ। ਮੈਂ ਤੁਹਾਡੀ ਬਹੁਤ ਧੰਨਵਾਦੀ ਹਾਂ। ਮੈਂ ਤੁਹਾਨੂੰ ਪਾ ਕੇ ਬਹੁਤ ਖੁਸ਼ ਹਾਂ। ਮੈਂ ਬਹੁਤ ਖੁਸ਼ ਹਾਂ ਕਿ ਤੁਸੀਂ ਆਪਣੇ ਸਮਰਪਣ ਵਿੱਚ ਇੰਨੇ ਸ਼ੁੱਧ ਹੋ ਅਤੇ ਤੁਹਾਡੇ ਵਿੱਚ ਉਨ੍ਹਾਂ ਲੋਕਾਂ ਲਈ ਬਹੁਤ ਦੇਖਭਾਲ ਅਤੇ ਪਿਆਰ ਹੈ ਜੋ ਅਜੇ ਵੀ ਹਨੇਰੇ ਵਿੱਚ ਹਨ। ਮੈਂ ਤੁਹਾਡਾ ਬਹੁਤ, ਬਹੁਤ ਅਤੇ ਬਹੁਤ ਧੰਨਵਾਦ ਕਰਦੀ ਹਾਂ। ਅਤੇ ਮੈਂ ਤੁਹਾਡੇ ਨਾਲ ਜੋ ਵੀ ਯੋਗਤਾ ਵਜੋਂ ਸਾਂਝਾ ਕਰ ਸਕਦੀ ਹਾਂ, ਮੈਂ ਹਮੇਸ਼ਾ ਤਿਆਰ ਹਾਂ। ਅਤੇ ਇਸ ਭੌਤਿਕ, ਚੁਣੌਤੀਪੂਰਨ ਦੁਨੀਆਂ ਵਿੱਚ ਮੈਂ ਤੁਹਾਡੀ ਜੋ ਵੀ ਮਦਦ ਕਰ ਸਕਦੀ ਹਾਂ, ਮੈਂ ਹਮੇਸ਼ਾ ਕਰਦੀ ਹਾਂ। ਤੁਸੀਂ ਇਹ ਜਾਣਦੇ ਹੋ। ਭਾਵੇਂ ਤੁਸੀਂ ਮੈਨੂੰ ਨਹੀਂ ਦੇਖਦੇ, ਮੈਂ ਹਮੇਸ਼ਾ ਤੁਹਾਡੇ ਨਾਲ 24/7 ਕੰਮ ਕਰਦੀ ਹਾਂ। ਮੇਰੇ ਆਪਣੇ ਕੰਮ ਤੋਂ ਇਲਾਵਾ, ਅਸੀਂ ਸਾਰੇ ਇੱਕੋ ਜਿਹਾ ਕੰਮ ਕਰਦੇ ਹਾਂ। ਅਤੇ ਮੈਂ ਤੁਹਾਨੂੰ ਹਮੇਸ਼ਾ ਲਈ ਪਿਆਰ ਕਰਦੀ ਹਾਂ। ਅਸੀਂ ਹਮੇਸ਼ਾ ਲਈ ਸਭ ਤੋਂ ਚੰਗੇ ਦੋਸਤ ਹਾਂ। ਹਮੇਸ਼ਾ ਲਈ ਸਭ ਤੋਂ ਚੰਗੇ ਦੋਸਤ।

ਹੁਣ, ਮਾਰਾ ਕਿੰਗ ਵੀ ਤੁਹਾਡੇ ਅਤੇ ਸਾਡੇ ਕੰਮ ਤੋਂ ਬਹੁਤ ਪ੍ਰਭਾਵਿਤ ਹੋਇਆ ਹੈ। ਅਤੇ ਉਸਨੇ ਮੇਰੀ ਪ੍ਰਸ਼ੰਸਾ ਵੀ ਕੀਤੀ ਅਤੇ ਉਹ ਮੇਰੇ ਵਿਰੁੱਧ ਬਿਲਕੁਲ ਵੀ ਨਹੀਂ ਹੈ। ਉਸਨੇ ਕਿਹਾ, ਉਸਦੇ ਬਾਰੇ ਰਿਪੋਰਟ ਦੇ ਅਨੁਸਾਰ, ਇਸ ਵਿੱਚ "ਉਹ ਮੇਰੇ ਕੰਮ ਅੱਗੇ ਸਮਰਪਣ ਕਰਦਾ ਹੈ ਕਿਉਂਕਿ ਤੁਸੀਂ ਯੋਗ ਹੋ" ਵਰਗੇ ਸ਼ਬਦ ਲਿਖੇ ਹੋਏ ਹਨ। ਅਤੇ ਮੈਂ ਉਸਦੀ ਬਹੁਤ, ਬਹੁਤ ਧੰਨਵਾਦੀ ਹਾਂ।

ਮੈਂ ਪ੍ਰਮਾਤਮਾ ਦੀ ਸ਼ੁਕਰਗੁਜ਼ਾਰ ਹਾਂ। ਮੈਂ ਆਪਣੀ ਜ਼ਿੰਦਗੀ ਦੀ ਹਰ ਛੋਟੀ ਤੋਂ ਵੱਡੀ ਚੀਜ਼ ਲਈ ਹਮੇਸ਼ਾ ਪ੍ਰਮਾਤਮਾ ਦਾ ਧੰਨਵਾਦ ਕਰਦੀ ਹਾਂ। ਮੈਂ ਜੋ ਖਾਂਦੀ ਹਾਂ, ਮੈਂ ਜੋ ਪੀਂਦੀ ਹਾਂ, ਇਥੋਂ ਤਕ ਉਹ ਵੀ, ਹਮੇਸ਼ਾ ਪ੍ਰਮਾਤਮਾ ਦੇ ਹੁਕਮ, ਪ੍ਰਮਾਤਮਾ ਦੀ ਇੱਛਾ ਅਨੁਸਾਰ ਹੁੰਦਾ ਹੈ। ਮੈਂ ਪ੍ਰਮਾਤਮਾ ਦੀ ਸਹਿਮਤੀ ਅਤੇ ਹੁਕਮ ਤੋਂ ਬਿਨਾਂ ਕੁਝ ਨਹੀਂ ਕਰ ਰਹੀ, ਭਾਵੇਂ ਅਸੀਂ ਇੱਕ ਹਾਂ। ਪਰ ਮੇਰੀ ਆਤਮਾ ਵਿੱਚ, ਮੇਰੇ ਦਿਲ ਵਿੱਚ, ਮੈਂ ਹਮੇਸ਼ਾ ਯਾਦ ਰੱਖਦੀ ਹਾਂ ਕਿ ਪ੍ਰਮਾਤਮਾ ਸਭ ਤੋਂ ਉੱਚਾ ਹੈ, ਪ੍ਰਮਾਤਮਾ ਸਭ ਤੋਂ ਮਹਾਨ ਹੈ, ਪ੍ਰਮਾਤਮਾ ਮਾਤਾ-ਪਿਤਾ ਹੈ, ਸਾਰੇ ਜੀਵਾਂ ਦੇ ਅਦੁੱਤੀ ਅਤੇ ਇਕਲੌਤੇ ਮਾਤਾ-ਪਿਤਾ, ਜਿਨ੍ਹਾਂ ਵਿੱਚ ਮੈਂ ਵੀ ਸ਼ਾਮਲ ਹਾਂ। ਕਿਰਪਾ ਕਰਕੇ ਯਾਦ ਰੱਖੋ ਕਿ ਹਰ ਸਮੇਂ, ਪ੍ਰਮਾਤਮਾ ਦਾ ਧੰਨਵਾਦ ਕਰਨਾ, ਪ੍ਰਮਾਤਮਾ 'ਤੇ ਭਰੋਸਾ ਕਰਨਾ, ਪ੍ਰਮਾਤਮਾ 'ਤੇ ਵਿਸ਼ਵਾਸ਼ ਕਰਨਾ, ਜੇ ਤੁਸੀਂ ਕਰ ਸਕਦੇ ਹੋ ਤਾਂ ਪ੍ਰਮਾਤਮਾ ਦੀ ਸਲਾਹ ਲੈਣੀ, ਕਿਸੇ ਵੀ ਸਮੇਂ।

ਕਈ ਵਾਰ, ਪ੍ਰਮਾਤਮਾ ਨੇ ਮੇਰੇ ਨਾਲ ਗੱਲ ਕੀਤੀ। ਉਸਨੇ ਮੈਨੂੰ "ਪਿਆਰੀ ਧੀ" ਕਿਹਾ, ਉਹ ਮੈਨੂੰ ਇਸ ਤਰਾਂ ਬਹੁਤ ਪਹਿਲਾਂ ਤੋਂ ਵੀ ਬੁਲਾਉਂਦਾ ਹੈ, ਸਾਡੇ ਇੱਕ ਹੋਣ ਤੋਂ ਬਹੁਤ ਪਹਿਲਾਂ। ਅਤੇ ਇਹ ਹਮੇਸ਼ਾ ਮੇਰੀਆਂ ਅੱਖਾਂ ਵਿੱਚ ਹੰਝੂ ਲਿਆਉਂਦਾ ਸੀ। ਇਹ ਮੈਨੂੰ ਹਮੇਸ਼ਾ ਇਸ ਤਰ੍ਹਾਂ ਮਹਿਸੂਸ ਕਰਵਾਉਂਦਾ ਹੈ, "ਮੇਰੇ ਪ੍ਰਮਾਤਮਾ, ਮੇਰੇ ਪ੍ਰਮਾਤਮਾ, ਕੀ ਮੈਂ ਇੰਨੀ ਕੀਮਤੀ ਹਾਂ? ਮੈਨੂੰ ਬਹੁਤ ਪਿਆਰ ਕੀਤਾ ਜਾਂਦਾ ਹੈ, ਮੈਂ ਬਹੁਤ ਧੰਨ ਹਾਂ। ਮੈਂ ਪ੍ਰਮਾਤਮਾ ਦੀ ਧੀ ਹਾਂ।" ਅਤੇ ਦੁਨੀਆਂ ਵਿੱਚ ਕੋਈ ਤੋਹਫ਼ੇ ਨਹੀਂ ਹਨ, ਕੁਝ ਵੀ ਇਨ੍ਹਾਂ ਸ਼ਬਦਾਂ ਤੋਂ ਵੱਧ ਕੀਮਤੀ ਨਹੀਂ, ਇਹ ਸ਼ਬਦ ਜੋ ਪ੍ਰਮਾਤਮਾ ਨੇ ਮੈਨੂੰ ਕਿਹਾ: "ਪਿਆਰੀ ਧੀ, ਪਿਆਰੀ ਧੀ, ਤੂੰ ਚੰਗਾ ਕਰ ਰਹੀ ਹੈਂ। ਪਿਆਰੀ ਧੀ, ਤੂੰ ਪਿਆਰੀ ਹੈਂ, ਤੂੰ ਧੰਨ ਹੈਂ, ਅਤੇ ਦੁਨੀਆਂ ਦੇ ਲੋਕ ਤੈਨੂੰ ਪੂਜਦੇ ਹਨ।"

ਪ੍ਰਮਾਤਮਾ ਹਮੇਸ਼ਾ ਮੈਨੂੰ ਯਾਦ ਦਿਵਾਉਂਦਾ ਹੈ ਕਿ ਮੈਂ ਸਹੀ ਕਰ ਰਹੀ ਹਾਂ, ਕਿਉਂਕਿ ਕਈ ਵਾਰ ਮੈਂ ਪ੍ਰਮਾਤਮਾ ਨੂੰ ਪੁੱਛਦੀ ਹਾਂ, "ਕੀ ਕੁਝ ਹੋਰ ਹੈ ਜੋ ਮੈਂ ਤੁਹਾਡੇ ਬੱਚਿਆਂ ਲਈ ਕਰਨਾ ਭੁੱਲ ਗਈ ਹਾਂ? ਕੀ ਕੁਝ ਹੋਰ ਹੈ ਜੋ ਮੈਨੂੰ ਨਹੀਂ ਪਤਾ? ਕਿਰਪਾ ਕਰਕੇ ਮੈਨੂੰ ਜਾਣਨ ਵਿੱਚ ਮਦਦ ਕਰੋ। ਮੈਨੂੰ ਹੋਰ ਸਿਖਾਓ, ਤਾਂ ਜੋ ਮੈਂ ਤੁਹਾਡੇ ਬੱਚਿਆਂ ਦੀਆਂ ਰੂਹਾਂ ਨੂੰ ਬਚਾ ਸਕਾਂ, ਅਤੇ ਉਨ੍ਹਾਂ ਨੂੰ ਨਰਕ ਦੇ ਦੁੱਖ ਤੋਂ ਬਚਾ ਸਕਾਂ, ਕਿਉਂਕਿ ਮੈਂ ਖੁਦ ਇਸਨੂੰ ਦੇਖਣਾ, ਉਨ੍ਹਾਂ ਦੇ ਦੁੱਖ, ਉਨ੍ਹਾਂ ਦੀ ਅਗਿਆਨਤਾ ਕਾਰਨ ਉਨ੍ਹਾਂ ਦੇ ਦਰਦ ਅਤੇ ਉਨ੍ਹਾਂ ਦੀ ਜ਼ਹਿਰੀਲੀ ਅਵਸਥਾ ਨੂੰ ਇਸ ਦੁਨੀਆਂ ਵਿੱਚ ਆਉਂਦੇ ਦੇਖਣਾ ਬਰਦਾਸ਼ਤ ਨਹੀਂ ਕਰ ਸਕਦੀ।"

ਉਨ੍ਹਾਂ ਦੀ ਕਮਜ਼ੋਰੀ, ਕਿਉਂਕਿ ਇੱਕ ਵਾਰ ਜਦੋਂ ਉਹ ਇਸ ਦੁਨੀਆਂ ਵਿੱਚ ਪੈਦਾ ਹੁੰਦੇ ਹਨ, ਤਾਂ ਉਹ ਸਭ ਕੁਝ ਭੁੱਲ ਜਾਂਦੇ ਹਨ। ਉਹ ਭੁੱਲ ਜਾਂਦੇ ਹਨ ਕਿ ਉਹ ਪ੍ਰਮਾਤਮਾ ਦੇ ਬੱਚੇ ਹਨ। ਉਹ ਆਪਣੀ ਅੰਦਰਲੀ ਸ਼ਕਤੀਸ਼ਾਲੀ ਸ਼ਕਤੀ ਨੂੰ ਭੁੱਲ ਜਾਂਦੇ ਹਨ। ਉਹ ਭੁੱਲ ਜਾਂਦੇ ਹਨ ਕਿ ਉਹ ਕੁਝ ਵੀ ਕਰ ਸਕਦੇ ਹਨ; ਉਹ ਕੁਝ ਵੀ ਬਣਾ ਸਕਦੇ ਹਨ। ਉਹ ਇੱਥੇ ਜਨਮ ਲੈਣ ਲਈ ਸਭ ਕੁਝ ਭੁੱਲ ਜਾਂਦੇ ਹਨ, ਜਾਂ ਤਾਂ ਦੂਜਿਆਂ ਦੀ ਮਦਦ ਕਰਨ ਲਈ, ਜਾਂ ਸਿਰਫ਼ ਇੱਕ ਸਾਹਸ ਲਈ, ਇੱਕ ਚੁਣੌਤੀ ਲਈ ਪੈਦਾ ਹੋਣ ਲਈ, ਇਹ ਸੋਚਦੇ ਹੋਏ ਕਿ ਉਹ ਇਹ ਸਭ ਕੁਝ ਆਪਣੇ ਆਪ ਕਰ ਸਕਦੇ ਹਨ, ਪ੍ਰਮਾਤਮਾ ਦੀਆਂ ਬਾਹਾਂ ਵਿੱਚ ਹੋਏ ਬਿਨਾਂ, ਸੁਰੱਖਿਆਤਮਕ ਸਵਰਗੀ ਸ਼ਕਤੀ ਵਿੱਚ ਹੋਏ ਬਿਨਾਂ। ਇਹ ਇੱਕ ਸਮੱਸਿਆ ਹੈ, ਪਰ ਪ੍ਰਮਾਤਮਾ ਉਨ੍ਹਾਂ ਨੂੰ ਇਜਾਜ਼ਤ ਦਿੰਦਾ ਹੈ। ਪ੍ਰਮਾਤਮਾ ਚਾਹੁੰਦਾ ਹੈ ਕਿ ਉਹ ਚੋਣ ਕਰਨ ਲਈ ਸੁਤੰਤਰ ਹੋਣ, ਕਿਉਂਕਿ ਸਭ ਤੋਂ ਵਧੀਆ ਮਾਪੇ ਹੋਣ ਦੇ ਨਾਤੇ, ਤੁਸੀਂ ਕਦੇ ਵੀ ਆਪਣੇ ਬੱਚਿਆਂ ਨੂੰ ਅਜਿਹੀ ਕੋਈ ਵੀ ਚੀਜ਼ ਚੁਣਨ ਲਈ ਮਜਬੂਰ ਨਹੀਂ ਕਰਨਾ ਚਾਹੁੰਦੇ ਜੋ ਉਨ੍ਹਾਂ ਨੂੰ ਪਸੰਦ ਨਹੀਂ ਹੈ। ਤਾਂ ਇਹੀ ਬੇ-ਸ਼ਰਤ ਪਿਆਰ ਹੈ।

ਪਰ ਇਸ ਆਜ਼ਾਦ ਇੱਛਾ ਦਾ ਇਕ ਦੂਜਾ ਪ੍ਰਭਾਵ ਹੈ, ਅਤੇ ਤੁਸੀਂ ਇਹ ਸਭ ਪਹਿਲਾਂ ਹੀ ਜਾਣਦੇ ਹੋ। ਇਸ ਲਈ ਪ੍ਰਮਾਤਮਾ ਹਮੇਸ਼ਾ ਇਸ ਦੁਨੀਆਂ ਵਿੱਚ ਗੁਰੂਆਂ ਨੂੰ ਭੇਜਦਾ ਹੈ, ਵੱਖ-ਵੱਖ ਪੱਧਰਾਂ ਦੇ ਗੁਰੂ, ਮਨੁੱਖਾਂ ਦੀ ਸਮਝ ਦੀਆਂ ਵੱਖ-ਵੱਖ ਡਿਗਰੀਆਂ ਦਾ ਮਾਰਗਦਰਸ਼ਨ ਕਰਨ ਲਈ। ਗੱਲ ਇਹ ਹੈ ਕਿ, ਜ਼ਿਆਦਾਤਰ ਸਮਾਂ, ਉਨ੍ਹਾਂ ਵਿੱਚੋਂ ਜ਼ਿਆਦਾਤਰ ਨਹੀਂ ਸੁਣਦੇ। ਸਿਰਫ਼ ਉਹੀ ਲੋਕ ਜੋ ਇਸ ਭੌਤਿਕ ਸੰਸਾਰ ਵਿੱਚ ਜਨਮ ਲੈਣ ਤੋਂ ਪਹਿਲਾਂ ਆਪਣੇ ਮੂਲ ਰੂਪ ਵਿੱਚ ਸੱਚਮੁੱਚ ਬਹੁਤ ਪਵਿੱਤਰ ਹਨ, ਕਿਸੇ ਨਾ ਕਿਸੇ ਤਰ੍ਹਾਂ, ਭਾਵੇਂ ਅਸਪਸ਼ਟ ਤੌਰ 'ਤੇ, ਆਪਣੇ ਅਧਿਆਤਮਿਕ ਮੂਲ ਨੂੰ ਯਾਦ ਰੱਖਣਗੇ ਅਤੇ ਕਿਸੇ ਤਰ੍ਹਾਂ ਇਸਨੂੰ ਦੁਬਾਰਾ ਬਣਾਉਣ, ਇਸਨੂੰ ਸੁਧਾਰਨ ਦੀ ਕੋਸ਼ਿਸ਼ ਕਰਨਗੇ, ਤਾਂ ਜੋ ਉਹ ਕੰਮ ਕਰ ਸਕਣ ਜੋ ਪ੍ਰਮਾਤਮਾ ਨੇ ਉਨ੍ਹਾਂ ਨੂੰ ਦਿੱਤਾ ਹੈ, ਇਸ ਸੰਸਾਰ ਵਿੱਚ ਹੋਰ ਕਮਜ਼ੋਰ (ਪ੍ਰਮਾਤਮਾ ਦੇ) ਬੱਚਿਆਂ ਦੀ ਮਦਦ ਕਰਨ ਲਈ ਆਉਣ। ਤਾਂ ਹੁਣ, ਇਹ ਹੋਰ ਗੱਲ ਹੈ।

ਗੱਲਬਾਤ ਦੌਰਾਨ, ਮਾਰਾ ਦੇ ਰਾਜਾ ਨੇ ਮੇਰੇ ਕੰਮ ਅਤੇ ਤੁਹਾਡੇ ਪਿਆਰ ਨੂੰ ਉਤਸ਼ਾਹਿਤ ਕਰਨਾ ਜਾਰੀ ਰੱਖਿਆ। ਉਸਨੇ ਕਿਹਾ ਕਿ "ਤੁਹਾਡਾ ਪਿਆਰ," ਭਾਵ ਮੇਰਾ ਪਿਆਰ, "ਸ਼ਾਂਤੀ ਸੰਸਾਰ ਲਈ ਪ੍ਰਭਾਵ ਬਹੁਤ ਵਧੀਆ ਹੈ। ਅਤੇ ਦੁਨੀਆਂ ਤੁਹਾਨੂੰ ਪਿਆਰ ਕਰਦੀ ਹੈ! ਦੁਨੀਆਂ ਤੁਹਾਨੂੰ ਸ਼ਾਂਤੀ ਬਣਾਉਣ ਵਿੱਚ ਮਦਦ ਕਰਨ ਲਈ ਪਿਆਰ ਕਰਦੀ ਹੈ। ਤੁਹਾਡਾ ਪਿਆਰ ਇਸ ਦੁਨੀਆਂ ਨੂੰ ਬਚਾਉਂਦਾ ਹੈ।" ਇਹ ਹੈ ਜੋ ਉਸਨੇ ਕਿਹਾ ਸੀ। ਮੈਂ ਉਸਦਾ ਧੰਨਵਾਦ ਕਰਦੀ ਹਾਂ। ਅਤੇ ਮੈਂ ਉਸਨੂੰ ਕਿਹਾ ਕਿ ਇਹ ਸਭ ਸਿਰਫ਼ ਪ੍ਰਮਾਤਮਾ ਹੀ ਕਰ ਸਕਦਾ ਹੈ। ਇਹ ਸਭ ਕੁਝ ਪ੍ਰਮਾਤਮਾ ਕਰਦਾ ਹੈ। ਪ੍ਰਮਾਤਮਾ ਸ਼ਾਂਤੀ ਬਣਾਉਂਦਾ ਹੈ। ਪ੍ਰਮਾਤਮਾ ਦੁਨੀਆਂ ਨੂੰ ਅਸੀਸ ਦਿੰਦਾ ਹੈ। ਪ੍ਰਮਾਤਮਾ ਲੋਕਾਂ ਨੂੰ ਦੁਨੀਆਂ ਦੇ ਪਿਆਰ ਦਾ ਅਹਿਸਾਸ ਕਰਵਾਉਂਦਾ ਹੈ। ਪਰ ਸਿਰਫ਼ ਸਾਡੇ ਰਾਹੀਂ - ਅਸੀਂ ਸਿਰਫ਼ ਕੁਝ ਨਿਮਰ ਸਾਧਨ ਹਾਂ। ਪਰ ਫਿਰ ਵੀ, ਮੈਂ ਤੁਹਾਡਾ ਧੰਨਵਾਦ ਕਰ ਰਹੀ ਹਾਂ, ਮੇਰੇ ਪ੍ਰਮਾਤਮਾ ਦੇ ਪੈਰੋਕਾਰ, ਕਿ ਤੁਸੀਂ ਪ੍ਰਮਾਤਮਾ ਦੇ ਕੰਮ ਲਈ ਇੰਨੇ ਤਿਆਰ, ਚੰਗੇ ਸਾਧਨ ਹੋ, ਤਾਂ ਜੋ ਅਸੀਂ ਕਿਸੇ ਤਰ੍ਹਾਂ ਇਸ ਦੁਨੀਆਂ ਨੂੰ ਅਗਲੀਆਂ ਪੀੜ੍ਹੀਆਂ ਦੇ ਆਨੰਦ ਲਈ ਬਚਾ ਸਕੀਏ। ਅਤੇ ਆਓ ਉਮੀਦ ਕਰੀਏ ਕਿ ਇਹ ਸਾਡੀਆਂ ਅਗਲੀਆਂ ਪੀੜ੍ਹੀਆਂ ਲਈ ਇੱਕ ਬਿਹਤਰ ਦੁਨੀਆਂ, ਪਰਉਪਕਾਰੀ ਦੁਨੀਆਂ, ਈਡਨ-ਵਰਗੀ ਦੁਨੀਆਂ ਹੋਵੇਗੀ।

ਨਹੀਂ ਤਾਂ, ਮੈਨੂੰ ਨਹੀਂ ਪਤਾ ਕਿ ਕੋਈ ਵੀ ਇਨਸਾਨ ਇਸ ਦੁਨੀਆਂ ਨੂੰ ਗੈਰ-ਜ਼ਿੰਮੇਵਾਰਾਨਾ ਢੰਗ ਨਾਲ ਖਰਾਬ ਕਰਨ ਲਈ ਆਪਣੇ ਆਪ ਨੂੰ ਕਿਵੇਂ ਮਾਫ਼ ਕਰ ਸਕਦਾ ਹੈ। ਸੋ ਹੁਣ ਸਾਡੇ ਕੋਲ ਬਹੁਤ ਘੱਟ ਪਾਣੀ ਹੈ। ਮੈਂ ਪਿਛਲੇ ਦਿਨ ਹੀ ਪੜ੍ਹਿਆ, 51% ਅਮਰੀਕਾ ਵਿੱਚ ਪਾਣੀ ਦੀ ਕਮੀ ਹੈ, ਸੋਕਾ ਹੈ। ਅਤੇ ਇਹ ਇੱਕ ਬਹੁਤ ਹੀ ਦੁਖਦਾਈ ਗੱਲ ਹੈ, ਇੱਕ ਬਹੁਤ ਚਿੰਤਾਜਨਕ ਗੱਲ ਹੈ, ਕਿਉਂਕਿ ਸੰਯੁਕਤ ਰਾਜ ਅਮਰੀਕਾ ਬਹੁਤ ਵੱਡਾ ਹੈ। ਉਮੀਦ ਹੈ, ਉਹ ਸਾਂਝਾ ਕਰ ਸਕਦੇ ਹਨ। ਉਨ੍ਹਾਂ ਕੋਲ ਹਰ ਜਗ੍ਹਾ ਇੰਨਾ ਪਾਣੀ ਹੋ ਸਕਦਾ ਹੈ ਕਿ ਉਹ ਅਮਰੀਕਨਾਂ ਦੀਆਂ ਜਾਨਾਂ ਬਚਾ ਸਕਣ। ਸਿਰਫ਼ ਅਮਰੀਕਨਾਂ ਦੀ ਗੱਲ ਕਰੀਏ ਤਾਂ - ਬਹੁਤ ਸਾਰੇ ਹੋਰ ਮਹਾਂਦੀਪਾਂ ਵਿੱਚ ਵੀ ਪਾਣੀ, ਪੀਣ ਵਾਲੇ ਪਾਣੀ ਦੀ ਇੱਕ ਵੱਡੀ, ਵੱਡੀ,ਵੱਡੀ ਸਮੱਸਿਆ ਹੈ, ਇਸ ਤੋਂ ਇਲਾਵਾ ਹਰ ਹੋਰ ਅਤਿ-ਅਵਸ਼ਕ ਸਮੱਸਿਆ ਜਿਸਦਾ ਅਸੀਂ ਸਾਹਮਣਾ ਕਰ ਰਹੇ ਹਾਂ। ਪਾਣੀ ਜੀਵਨ ਹੈ। ਭੋਜਨ ਤੋਂ ਬਿਨਾਂ, ਅਸੀਂ ਕੁਝ ਸਮੇਂ ਲਈ ਜੀ ਸਕਦੇ ਹਾਂ, ਸ਼ਾਇਦ ਕੁਝ ਹਫ਼ਤੇ, ਪਰ ਪਾਣੀ ਤੋਂ ਬਿਨਾਂ, ਅਸੀਂ ਲਗਭਗ ਕੁਝ ਦਿਨਾਂ ਵਿੱਚ ਮਰ ਜਾਂਦੇ ਹਾਂ। ਸਾਡੇ ਕੋਲ ਇੱਕ ਹੱਲ ਹੈ। ਸਾਨੂੰ ਕਦੇ ਵੀ ਇਸ ਸਥਿਤੀ ਦਾ ਸਾਹਮਣਾ ਨਾ ਕਰਨਾ ਪੈਂਦਾ। ਜੇਕਰ ਅਸੀਂ ਬ੍ਰਹਿਮੰਡ ਦੇ ਕੁਦਰਤੀ ਨਿਯਮ ਅਨੁਸਾਰ ਜੀਉਂਦੇ: "ਜੋ ਬੀਜੋਗੇ, ਉਹੀ ਵੱਢੋਗੇ।" ਤਾਂ ਸਾਨੂੰ ਕਦੇ ਵੀ ਭੋਜਨ ਦੀ ਕਮੀ ਨਾ ਹੁੰਦੀ। ਅਸੀਂ ਜੀਵਾਂ ਨੂੰ ਮਾਰਦੇ ਰਹਿੰਦੇ ਹਾਂ, ਜਿਨ੍ਹਾਂ ਵਿੱਚ ਸਾਡੇ ਆਪਣੇ ਬੱਚੇ, ਸਾਡੇ ਆਪਣੇ ਖੂਨ ਦੇ ਬੱਚੇ, ਖੂਨ ਦੇ ਬੱਚੇ ਸ਼ਾਮਲ ਹਨ। ਕੁਝ ਸਮੇਂ ਬਾਅਦ ਮੈਂ ਤੁਹਾਨੂੰ ਸੁਣਾਵਾਂਗੀ ਕਿ ਮਾਰਾ ਦਾ ਰਾਜਾ ਤੁਹਾਡੇ ਆਪਣੇ ਬੱਚਿਆਂ ਨੂੰ ਮਾਰਨ ਬਾਰੇ ਕੀ ਸੋਚਦਾ ਹੈ।

Photo Caption: “ਪ੍ਰਮਾਤਮਾ ਵੱਲੋਂ ਬਖਸ਼ੇ-ਹੋਏ ਬਸੰਤ ਦੀ ਸੁੰਦਰ ਮੁਸਕਾਨ”

ਫੋਟੋ ਡਾਊਨਲੋਡ ਕਰੋ